At Khet 7:6 - Iaai Bible 1901 (New Caledonia)

⁶ Anyin ame fifica je wahleûhleû hmelen öt, ke helâe ûhlumainy at ae monu: ke thatûnyi e.

At Khet 7:6 ပူးပေါင်းရင်းမြစ်များ

Salamo 118:12

Adre me igigili nya helâ me ta je bi; adre me aû but helâ me ta je angö hnyi meic; Hnyi iö Iehova oge me he ka subâ degeci ödra.

Salamo 58:9

E tiga ca long bi hnen anyibun je öt je angö, Me e ame he ka tûâ degecâ e ge höu, ame ne hât ame ne möt.

Ta je Vejec 29:9

E ka he at ae metâ ka ivino me at ae monu, Ame ne hmonyin, ame ne hluma, me ba ta hau.

At Khet 2:2

Oge me ha ge hwen hluhluma, ka habe, Hwen monu e: ke ge senyin, e ame hö?

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 6:25

Ekölö gabun tavat ae sekubun walang ang! anyin a öbun e he bi ka mekihnânem. Ekölö gabun tavat öbun e hluma walang ang! anyin a öbun e he ka tenge me hlöuhlöu.