At Khet 7:2 - Iaai Bible 1901 (New Caledonia)

² E so he ka he ka hnyi uma ödra ka tenge hnyin, hon he ka he ka hnyi uma ödra ka bijeû hnyin: anyin a wale obiny tavat hia; ke ame he at ae möt ka ûnykûme e eû hnyi hnyekon.

At Khet 7:2 ပူးပေါင်းရင်းမြစ်များ

Salamo 90:12

Ö u he ju ka nʼ ohmun he ka aû bonguhmun ta je bong, Me me he ka ve hu gahmun hnyok ae metâ.

At Khet 2:14

Haba at ae metâ me hu li emakan hnyi ban, ke ame he at ae monu hnyi menekholom: ke so bi oge me wâ a gʼ ame o khaca thibi ûnyi ka tavat hia.

At Khet 2:16

Anyin adre me ca ûnykûme nyiele balua at ae metâ me at ae monu; anyin adre me he ka hnying hia hnyi je bong ame he ka o. Ekölö ame he ka mok at ae metâ helâ me at ae monu!

At Khet 3:19

Anyin a haba ûnyi ame o ka at, me ame o minya ka meno; kʼ ame o ködru ûnyi a khaca; haba mok anyin ke at, me helâ me mok anyin ke at; eke, e tha ûcû homenödru; ke ca beönua bi at hon meno: anyin a thatûnyi hia.

At Khet 3:20

Kʼ ame he ödru lo hia ka hnyi dok a khaca; ûhedru hia eû hnyi kânâ, kʼ ödru me he ka wia hmetu hia me me kânâ.

At Khet 6:6

eke, eja ke ne a ne möt hnyi lo li thauzan je huna, kʼ ame ca wâ bi so: hawa, me ca he ka he ka hnyi dok a khaca?

At Khet 9:2

E tha ûcû thibi ta je ûnyi hia ame o ka tavat hia: khaca thibi ûnyi ame o ka at ae wisa me at ae kong; ka at ae so, me at ae bo so, me at ae bo kong; me ka at ame bi hut, me ka at ame ca bi hut: e ûcû at ae so me at ae kong; e ûcû at ame ûhihinyköu me at ame ot ûhihinyköu.

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

At Khet 9:5

Anyin ae khana tavat ae möt a gʼ adre me he ka mok: ke ca khana bi tavat adre mokcu ke ûnyi, ke ba hmetu bi hwaban kodra; anyin adre hnying bi gadra.

Isaia 47:7

Ke u je ha, ka habe, Oge me he bala ka than momo; ke u je ca ûnykûme ta je ûnyi eling eû hnyi hnyekom, u je ca ûnykûme ge obiny ta je ûnyi e.

Jeremia 16:8

Ke u me ca he ka dit hnyin uma bijeû he ka tha laba mödra, me hnyi han me ic.

Hagai 1:5

Ke walang ang, walang hna ha hnö Iehova tuhan sabaoth, ka habe, Ûnykûme ju debun je gethen.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Numera 23:10

Ia ae khana he ka aû sesâi Jekob, Me ha ûseiny ke keihen a vakiny Isaraela? E na he ju mekik ka helâ me mekiny at ae wisa, Me obiny melik helâ me obiny melen.

Mataio 5:4

Hnahic hnen tavat adre me tenge, anyin a adre me he ka otubweli ödra.

Deuteronomi 32:29

Ödra na metâ ju, me wâhmakhmeto ûnyi eang, Mʼadre me he ka ûnykûme obiny ködra!

Deuteronomi 32:46

me haingen ködra, ka habe, E so öbun e kong hnyekunâ ta je hofuc eang hia oge me ha köbun hnyi bong ang; wale mʼöbun e he ka ha ka je lakubun he ka wâ! wia me ânyâ ta je hofucin hia hnanyibu ang.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

Heberu 9:27

Adre me ip ka tavat he ka okhaca mok, ke hwaban e ûhnei;