At Khet 7:14 - Iaai Bible 1901 (New Caledonia)

¹⁴ Senyin dö hnyi bong sot, ke ûnykûme ju hnyi bonginy vec: Khong ame ânyâ khaca me me ûcon khaca, me me ca he bi at ka wâ ta je ûnyi ame he ka o hwaban e.

At Khet 7:14 ပူးပေါင်းရင်းမြစ်များ

I. Je Than 8:47

ke so bi ödrin e ne ûnykûme hnyi hnyekudrin hnyi hnyei adre hom hwenbʼ ödrin hnyin, me hwio thö, me khöû köu hnyi hnyei iny tavat adre me hwenbʼ ödrin, me ha, ka habe, Ohmun e ânyâ hwakecin ae kong, me hwali, me monu;

Jobu 2:10

Me haingen ka momo, ka habe, E ûcû ifucâm me ifucin ke momo ae monu. Hawa? ate me he ka kap so ûnyi ge Khong, ke ate me ca he minya bi he ka kap ûnyi ae kong? Haba hnyi ta je ûnyi hia thithö eling a ca monu bi Jobu hnen li esongodiny.

Salamo 119:71

E hu soik ûnyi hnyi hna oveci nya; Me inye he ka nâ ânyâm ta je hnanyibu.

Salamo 40:3

E ame ip hnyi hnyimök khumöng ae teb ûnyi, wale he ka ogânâ Khonguta: Ame he tavat ae se ka wâ, me ot, Me geju kö Iehova.

At Khet 10:14

Haba at ae monu e ame osehia hwan je hofuc: ke so bi e ca khana at ûnyi ame he ka o; ke ie at ame he ka omanenâ kâu ta je ûnyi ame he ka o hwaban?

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

At Khet 12:8

Awe, haingen at khet, ka habe, E ti thatûnyi ke thatûnyi ta je ûnyi hia.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 3:4

ûen tenge, me ûen hluma: ûen hnyamok, me ûen bibiâ;

At Khet 5:17

Ke haba khaca, e ame han hnyi bongon je bong hia hnyi menekholom, me vec hmonyin, me mok, me wathethot.

At Khet 8:7

anyin ae ca khana ûnyi ame he ka o; ke ie at ame he ka omanenâ kâu ge ûen ame he ka o?

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 42:25

Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.

Jeremia 23:20

Ame ca he ka hmetu hmonyin anyi Iehova, ke ne o but e ame hia but ânyâ, ke ne o but e ame ohwâdâ je ûnykûmenen hnyekon: öbun e he ka ti wâhmakhmeto e hnyi je bong a biliny.

Je tenge anyi Jeremi 3:38

Hawa, ame ca o bi ûnyi ae kong me so hnyi hnyimen At ae Beönua?

Mika 6:9

Ifuci Iehova ame hongot hnyi taun, kʼ ame he at ae metâ ka wâ iâm: long ju öbun öso, ke at ame muso e.

Mataio 9:13

Ke he thʼ öbun ka nâ bongon ang, ka habe, Wek a ibetengiö, ke ca hut bi: anyin oge me ca o he ka hawâ tavat ae wisa ke so bi tavat ae kong.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Deuteronomi 26:11

ke u me he ka senyinâ ta je so hia a ham köu Iehova Khongom, me ka ânyâm lap, me at Levi, me atkanyaua unyâm.

Deuteronomi 28:47

anyin a u je ca bi athnyabai Iehova Khongom me senyin me hobâ hnyi hnyekom can ûgâniny ta je ûnyi hia:

Deuteronomi 8:3

Ke e ame oûhnyûkongi u, me omekihnânemi u, me hâm ge mana, wale ûnyi ae ca khanö u, ke ca khana minya lakâmâm; me me khanö u thö a gʼ ame ca möt at hnen thibi areto, kʼ ame möt bi at hnen ta je ûnyi hia ame o ûnyi hnyi hnyimö Iehova.

Deuteronomi 8:5

Ke u me he ka ûnykûme eû hnyi hnyekom a gʼ ame kuc u hnö Iehova Khongom helâ me at ame kot nokon.

Iakobo 5:13

Hawa e hu at ame vec unyibun? e so e ame hic. E hu at ame senyin? e so e ame khumöng ogânâ Khong.