At Khet 7:13 - Iaai Bible 1901 (New Caledonia)

¹³ Ûnykûme ju huliwa anyin Khong: anyin a ie at ae khana he ka owisa hnen hna ohwalö?

At Khet 7:13 ပူးပေါင်းရင်းမြစ်များ

Jobu 11:10

Ame ne he ka dit, me hlöng, Me hawâ tavat ka hnyi hna owisa, ie at ame he ka thawâ?

Jobu 12:14

Wâ bi, e ame hagutâ, ke ca khana ke at he ka op hmetu; E ame thelöng at, ke ca khana ke at he ka khong hmetu.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Jobu 37:14

Jobu lö, tevehlöng ju ang: Todru, me wâ ûnykûme je huliwa hnân lâiâ anyin Khong.

Jobu 9:12

Wâ bi, e ame hûgûnâ, ke hamö ia he ka thawâ? Ia ame he ka ha kâu, ka habe, Ieû e u me ânyâ?

Salamo 107:43

Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.

Salamo 8:3

Oge me wâ hmâ ânyâm drany a huliwan ge ta je banyâm, Wale tehi me ta je okhû u je hia but otilâ;

At Khet 1:15

E pason he ka owisa ûnyi ae hwali: ke pason he ka aû bi ta je ûnyi ae ba.

At Khet 3:11

E ame hia but ânyâ ta je ûnyi hia he ka hmanenang hnyi je ûen ae ûcû: ke khaca, e ame ip ûnykûme ka hmeledrany eû hnyi hnyekudra, ke so bi, at ame ca wâ huliwa ame ânyâ Khong ûnyi hnyi hwân, ke ne o but hnyi obiny.

At Khet 8:17

me oge me wâ hia huliwa anyin Khong, ae ca khana bi at he ka wâ ta je huliwa adre me ânyâ hmelen seûno: anyin ame ne he at ka huliwa me elâm e, me e ame ca he ka wâ; eke, ame ne ûnykûme ge at ae metâ he ka khana e, me ca khana bi he ka wâ.

Isaia 14:27

Anyin a hia but ûnykûme hnö Iehova tuhan sabaoth, ke ie at bi ame he ka thawâ e? ke ame hai hnyamen, ke ie at ame he ka ohmetu e?

Isaia 43:13

Eke, inya but ling ke tiga ba bong; ke ba at ae khana he ka hûgûnâ ûnyi hnyi hnyamok: inya oge me he ka huliwa, ke ie at ame he ka bi ovheliny.

Isaia 5:12

Ke e bi kitara me nabeli, me bwinybet, me utkowi, me waina, hnyi anyidra je bijeû: ke adre me ca ûnykûme ge huliwa anyi Iehova, kʼ adre ca hia but ûnykûme bi huliwa anyin li hnyamen.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Luka 12:26

Anyin a wale, a ne ca khanʼ Öbun he ka ânyâ ûnyi ae ûhnyûkong, ieû can gabun a öbun e ûnykûme ûjengoâ ka hnyi ke ta je ûnyi?

Roma 9:15

Anyin a e ame ha kö Mose, ka habe, Oge me he ka betenge ge hnok hna wek he ka betenge gan, ke oge me he ka vec betenge ge at oge me wek he ka vec betenge gan.

Roma 9:19

Ke u me he la ka ha könya, ka habe, Ieû gan a e ame û? Ke ie at ame hagutâ weny bi?

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;