At Khet 6:6 - Iaai Bible 1901 (New Caledonia)

⁶ eke, eja ke ne a ne möt hnyi lo li thauzan je huna, kʼ ame ca wâ bi so: hawa, me ca he ka he ka hnyi dok a khaca?

At Khet 6:6 ပူးပေါင်းရင်းမြစ်များ

Genese 5:5

Ke haba ta je bong hia ame möt hnyin Adamu, me, nain haded ke thöte ta je huna: kʼ ame mokcu.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Jobu 30:23

Anyin ae khanö nya a u me he ka lili nya ka hnyi mok, Me uma adre penapena hobi kâu tavat hia ae möt.

Jobu 7:7

Öbun na ûnykûme ju a haba melik me helâ me ang: Kʼ ame ca he hmetu emakök ka wâ so.

Salamo 34:12

Ie at ae bemöt, Ke weny ta je bong, me me wâ thö so?

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

At Khet 2:14

Haba at ae metâ me hu li emakan hnyi ban, ke ame he at ae monu hnyi menekholom: ke so bi oge me wâ a gʼ ame o khaca thibi ûnyi ka tavat hia.

At Khet 3:20

Kʼ ame he ödru lo hia ka hnyi dok a khaca; ûhedru hia eû hnyi kânâ, kʼ ödru me he ka wia hmetu hia me me kânâ.

At Khet 6:3

A ne khaca haded je lakon ke at, ke se hia hunainy anyin möt, me me ti se hia je bonginy ta je hunainy, ke ame ca sekon bi ge so, ke adre ca konâm bi; inya oge me ha, me so köluhabû hon e;

At Khet 6:5

ke haba khaca e ame ca wâ seûno, ke ca khana bi; e nua menâiny at ang hon at eji:

At Khet 7:2

E so he ka he ka hnyi uma ödra ka tenge hnyin, hon he ka he ka hnyi uma ödra ka bijeû hnyin: anyin a wale obiny tavat hia; ke ame he at ae möt ka ûnykûme e eû hnyi hnyekon.

At Khet 9:2

E tha ûcû thibi ta je ûnyi hia ame o ka tavat hia: khaca thibi ûnyi ame o ka at ae wisa me at ae kong; ka at ae so, me at ae bo so, me at ae bo kong; me ka at ame bi hut, me ka at ame ca bi hut: e ûcû at ae so me at ae kong; e ûcû at ame ûhihinyköu me at ame ot ûhihinyköu.

Isaia 65:20

Ame he ka ba hmetu inma adre me konâm hnyi je bong a tep thibi, ke hingat ae ca bekhot bongon je bong: anyin ame he wanakat ka mok a khaca haded ta je hunainy, ke haba at ae kong a khaca haded hunainy, me ame he bi ka hnaûhango.

Isaia 65:22

Adre me ca he bi ka up uma, me ame he ke at bi he ka labā e; kʼ adre me ca he bi ka tä, me ame he ke at bi he ka han: anyin a haba ta je bong bongon lakeik me ame he ka helâ me ta je bong bongon ûö, ke ame he hnök je hna ûca ka senyinâ beû hmâ ta je huliwa anyin je hnyamödra.

Jeremia 17:6

Ke e ame he ka helâ me ûö ae ba lan hnyi hnyebuba, ke ame ca long bi, e ka o so; ke e ame he ka labā je dok ae hwahwacit hnyi hnyebuba, hnyei ae sâlt, ke ca hnân labā.

Heberu 9:27

Adre me ip ka tavat he ka okhaca mok, ke hwaban e ûhnei;