At Khet 6:3 - Iaai Bible 1901 (New Caledonia)

³ A ne khaca haded je lakon ke at, ke se hia hunainy anyin möt, me me ti se hia je bonginy ta je hunainy, ke ame ca sekon bi ge so, ke adre ca konâm bi; inya oge me ha, me so köluhabû hon e;

At Khet 6:3 ပူးပေါင်းရင်းမြစ်များ

Genese 33:5

Ke e ame bwele me wâ je momo me je wanakat; me haingen, ka habe, Ie hnyat ang unyâm! Ke haingen, ka habe, wale je lakuk hnen Khong hna betenge gak a athnyabaem.

Genese 47:9

Ke Jekob ame thu kö Farao, ka habe, Khaca haded me thöte ta je huna oge me he kanyua hnyin; wakhalet thibi me kong ta je hunainy möt a inya, ke ca tha ûcû me je bonginy hunainy möt anyin lakamök hnyi je bonginy hnödrin hna he kanyua hnyin.

II. Je Than 10:1

KE sevente je laku Ahaba hnyi Samaria. Ke haba Jehu ame sihnalimen je tusi me ûkhûnöng Samaria ai ka je than Jezerela, wale wahingat, me ka tavat hat je laku Ahaba, ka habe,

II. Je Than 9:35

Me ödrin e he ka konâm; ke ödrin e ca wâ bi, ke so bi ibokomok thiju me li hnyeûca me li hnyam.

I. Man Ûlabainy Je Than. 28:5

ke e ame hia but ûco Solomona nokuk unyin lakuk (anyin ae se lakuk a ham könya Iehova) he ka laba hon theroniny dökhu dökhu Iehova hnyi Isaraela.

II. Man Ûlabainy Je Than. 11:21

Ke Reoboama ame betenge ga Maaka momo nöku Abasoloma hon je laâiân hia, me anyin je momo: (anyin a ödrin eitin laâiân, me sikste anyin je momo, ke twente eit lakon je baga, me sikste je in.)

Esetera 5:11

Ke haba Hamana ame omanenâ ködrin hmanenanginy anyin tang omjeû, me ûseiny je lakon, me ta je ûnyi hia than ame oganâ hnyin, me hnen hna ogöranyâ e hon je than me lathnyabainy than.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Jobu 3:11

Ieû oge me ca mok gan ûnyi hnyi hnyeku bai? Ke ieû oge me ca mok gan hnyi bong oge me o ûnyi hnyi hnyeku bai?

Jobu 3:16

Kʼ ame ne hiö nya helâ me da a koluʼ habu, kʼ adre ikhâlâ bi; Helâ me je mendring adre me ca wâ bi lany.

Salamo 58:8

E so adre ohiʼ ödra helâ me wasua ame köiö but: Helâ me erkin ame köluhabû, a ca hnyi wâ bi seûno.

Ta je Vejec 17:6

Korona anyin wahingat ta je laöbidra; Ke haba hmanenanginy je wanakat, me ûnyâ lakamödra.

At Khet 4:3

eke, ke hnahic hudru hia at ae tiga ca o, at ame tiga ca wâ huliwa ae kong adre me ânyâ hmelen seûnö.

At Khet 6:4

anyin ame o hnyi ûnyi baû, me he hmetu hnyi menekholom, ke ame oiyongâ ien hnen menekholom;

Jeremia 22:19

Adre me he ka konâm e helâ me hna konâm asina, adre me he ka lelö e me khûâ hnyi hoton je homagouleny Jerusalema.

Jeremia 36:30

Anyin a wale walang hna ha hnö Iehova ga Jehoiakima than Juda, ka habe, Ame he ka ba hwaban hnân tabâ theron anyi Davita: ke adre me he ka khûâ unyin ae mok ka hnyi kahwa hnyi lany me megic hnyi hnyinghet.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.