At Khet 6:12 - Iaai Bible 1901 (New Caledonia)

¹² Anyin ae khanö ia ûnyi ae so ka at hnyi möt ang, hnyi ta je bonginy anyin möt ae ûnyi baû, ame möt hnyin helâ me hmenu? ke ie at ame he ka omanenâ ka at ûnyi ame he ka o hwaban e hmelen seûno?

At Khet 6:12 ပူးပေါင်းရင်းမြစ်များ

I. Man Ûlabainy Je Than. 29:15

Anyin a je atkanyua ohmun hnyi hnyimâkâm, me tavat hunuma tot, helâ je lakamöhmun hia: haba bonguhmun je bong eang hmelen helâ me hmenon, ke ba tethmâ.

Jobu 14:2

E ame o but helâ me vongon, me adre me subâ but: E ame he helâ me hmenon, kʼ ame ca tethmâ bi.

Jobu 14:21

Adre me ogânâ lakon, ke e ame ca wâ bi; Adre me hom ûhnyûkongu ödrin, ke e ca khana bi.

Jobu 8:9

(Anyin a otin je hnyat et thibi, me tavat ae ca khana, Anyin a bongutin ta je bong eang hmeledrany helâ me hmenon:)

Salamo 102:11

Haba bonguk ta je bong me helâ me hmenu ae beû; Ke iny meleca helâ me hnaonying.

Salamo 109:23

Inya oge me hia helâ me hmenon ae beû: Kʼ adre me tûö nya helâ me wahamon.

Salamo 144:4

E ûcû at me ûnyi ae ûnyi baû: Ke bonginy ta je bong e ûcû me hmenu ame hia but.

Salamo 16:5

Iehova thibi jekhöûk me anyik kaia; U thibi at ame otethmâ jekhöûk.

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 4:6

E hu tavat ae se hia adre me ha, ka habe, Ie at ame he ka omanenâ köta so? Iehova lö, ogöranyâ thö humun melaminy hnyimâkâm.

Salamo 47:4

E ame he ka ûca jekhoû hobi köta, Waleji ame oûnyihnatho Jekob at e ame betenge gan. [Sela.

Salamo 89:47

Ö u ûnykûme ju ae okhulit bonguk ta je bong: Ieû gam u je hia but op gufa lakon tavat hia thithö!

At Khet 10:14

Haba at ae monu e ame osehia hwan je hofuc: ke so bi e ca khana at ûnyi ame he ka o; ke ie at ame he ka omanenâ kâu ta je ûnyi ame he ka o hwaban?

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

At Khet 2:3

Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 6:11

E se hia ta je ûnyi ame bi hanen ka ûnyi baû, anyin a wale ieû troban ka at!

At Khet 7:15

Wale hia wânök hnyi je bong bongon anyik hnyok baû: e hu at ae wisa ame mokcu hnyi hwakecin ae wisa, ke hu bi at ae kong ame möt beû hmâ hnyi hwakecin ae kong.

At Khet 8:13

ke ame ca he bi ka so at ae keng, kʼ adre me ca he ka osehia bongon je bong, ke helâ me hmenu; anyin a e ame ca ot hnyi hnyimakan Khong.

At Khet 8:7

anyin ae ca khana ûnyi ame he ka o; ke ie at ame he ka omanenâ kâu ge ûen ame he ka o?

At Khet 9:6

A tha hia but walang ang anyidra ibetengiö, me anyidra ûöhûköti, me anyidra hmonyin; ke adre me ca he hmetu ka hnyi hanen nyiele balua ke huliwa adre ânyâ hmelen seûnö.

At Khet 9:9

Möt senyin dö tha u me âiâm u me hnyok kâu hnyi je bonginy ânyâm möt ae ûnyi baû: anyin a wale jekhom hnyi möt ang, me hnyi ânyâm huliwa u je huliwan hmelen seûno.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Iakobo 4:14

ke so bi e ca khanʼ öbun ûnyi ame he ka o nyi. Ieû anyibun möt. Ûbun hainy meic, ame manen hnyi ûen ae okhulit, me ame hia but.