At Khet 5:8 - Iaai Bible 1901 (New Caledonia)

⁸ U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

At Khet 5:8 ပူးပေါင်းရင်းမြစ်များ

II. Man Ûlabainy Je Than. 26:10

Ke e ame op je tap ae beû goranyai hnyi hnyebuba, me khû je an ae se hia, anyin ae se hia haleny je meno; helâe minya hnyi hnyei ae hnyikânâ, me dok ae tha hon: ke e hu gan tavat belök me ânyâwia vine hnyi je bucen, me hnyi Karemela; anyin a e at ae bebelök.

Jobu 24:23

Khong ame hna ködrin he ka laba hna hic, me me cidrin ling; Ke e bi li emakan hon dedrin je gethen.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 55:9

Than lö, ohiʼ ödra but, ovehwanâ but je bohmödra: Anyin oge hia but wâ ûokonguny me iwatretra hnyi taun.

Salamo 82:1

KHONG ame tot hnyi ûkhacaköu anyin Khong; E ame owisa hnyi wanben ta je khong.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Ta je Vejec 22:16

Haba at ame ovecâ at ae theduoc he ka osehia anyin bi ta je ûnyi, Ke at ame ham ka at ae tren omjeû me ödru me he ka ba ta ûnyi.

Ta je Vejec 24:12

U ka ha, ka habe, Wâ bi, e ca khanʼ ohmun e: Hawa, ame ca he ka ûnykûme e ge at ame tululo hnyok? Ke hawa, e ca khana e hnen at ame tuö hanom? Ke hawa, ame ca he bi e ka bi hwaban ka at hoton anyin ta je huliwa?

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

At Khet 3:16

Ke oge me wâ hmetu hmelen seûno, ae hnyi umen owisa, a e bi ling hwakecin ae kong; ke e bi hnyi hnen hwakecin ae wisa, wale bi e hwakecin ae kong.

At Khet 4:1

KE oge me hmetu me wâ je hna seda hia hmelen seûno: ke wâ bi je deköien tavat adre me oveci ödra, ke ba at ame hadruʼ ödra; ke tren hwege tavat adre me oveci ödra, ke ba at ame hadruʼ ödrin bi.

At Khet 5:9

Ke haba jeûiny kânâ me hobi kâu tavat hia: kʼ adre me bi an than ûnyi hnyi hnyei.

At Khet 7:7

Haba behom gânâ ame omonoâ at ae metâ; ke haba bwihlany ame okongoâ wâ ûnykûme.

At Khet 8:9

Oge hia but wâ ta je ûnyi hia eling, ke oge me ûnykûme eû hnyi hnyekuk ta je ûnyi hia adre me ânyâ hmelen seuno: e hu ûen adre me muso ke at ge ke at bi me me kong.

Isaia 10:12

Anyin a wale e ka hia but Than umo anyin huliwa hia ka bucen Ziona me Jerusalema, me oge me he ka senâ wan hnyok bigan anyin than Asuria, me hmanenanginy li emakan ame begörany.

Isaia 3:15

ke ieû gabun öbun e okongoâ lakeik, me omomono hnyimakan ta je theduoc? haingö Iehova tuhan sabaoth.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Ezekiela 18:18

Ke haba kamen, can anyin e ame seda, me söh liamekeiny mē, me ânyâ ûnyi ae ca so unyin iny hnyei, e ame he ka mekiny hwakecin bi ae kong.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Amosa 6:12

Hawa, ame he ta je hors ka wadring hon kic? kʼ ame he at ka wia kânâ eling hnen ta je bolok? anyin a öbun e hia but wia hna owisa ka hnyi waada, ke wan hwakecin ae wisa ka hnyi khöhlöng:

Mika 2:9

Ke öbun e obâ omomoiny ik hnyei hnyi umödra je uma ae hmanenang; öbun e hûgûnâ anyik hmanenang ge lakudra nyiele balua.

Zakaria 8:6

Walang hna ha hnö Iehova tuhan sabaoth, ka habe, Ame ne hnân lâiâ ka je kolon tavat ang hnyi je bong eling, hawa e ca ûcû könya he ka hnyi lâiâ? haingö Iehova tuhan sabaoth.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Luka 1:32

E ame he ka gan, ke adre me he ka hwenyi ien e Nokon At ae Beönua: ke ame he Than a Khong ka ham kâu theron anyi Davita a kamen:

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 1:76

Eke, ke haba u, da, me adre me he ka haiö u me perofeta anyi Beönua: Anyin a u me he ka bân hnyi hnyimakan Than he ka ânyâwia deny ta je gethen.

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.

Roma 11:33

Shaiba ge ûdiliny metâ ae nua me wâ ûnykûme anyin Khong! e iyong hmonyin anyin owisa, ke ca hnân wâ bi deny ta je gethen!

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

I. Peteru 4:12

Je oûnykûminy lö, ca he öbun ka lâiâ ge ûcûbic helâ me meic unyibun ame o he ka cubic öbun, helâke me ûnyi ae teb ûnyi ame o köbun:

I. Ioane 3:13

Hnyat me lakeiny lö, ca he bi ka hlohlo e ka hûköti öbun hnen aten hmeledrany.