At Khet 5:4 - Iaai Bible 1901 (New Caledonia)

⁴ U ka he ka bi khöbi ka Khong, ca bec bi he ka ohwâdâ; anyin a e ame ca senyin ka tavat ae monu: owhâdâ thö hnâm hna bi khöbi.

At Khet 5:4 ပူးပေါင်းရင်းမြစ်များ

Genese 28:20

Ke Jekob ame hipʼ khöbi, me ha, ka habe, Ame ne he Khong ka tha e mönya, me tuö nya hnyi gethen ang oge me vheno, me haök, me ha khauk,

Genese 35:1

KE Khong ame ha kö Jekob, ka habe, Todrö, he thö Bethela ai, ke laba e: me otilâ e tabon hut ka Khong, at ame manen köu, waleji hnyi hnâm hna kec ga Esau a tuhâm.

Genese 35:3

kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin.

Salamo 116:14

Me hawâ iö Iehova. Oge me he ka thamuâ anyik ta je khöbi kö Iehova, Eke, hnyi hnyimakan lakeiny hia thithö.

Salamo 119:106

Oge hia but khemanyik, me ohmâ e, A oge me he ka vheno hnâm ta je hna owisa ae wisa.

Salamo 22:25

Ûnyi thibi gam hna oganö nya hnyi ûkhacaköu ae gan hmâ: Oge me he ka subâ anyik je khöbi hnyi hnyimakan tavat adre me outen e.

Salamo 50:14

Hudo thö ole ka Khong; Ke ham but ka Beönua hnâm je hna khemanyin:

Salamo 76:11

Hûkölö khöbi ju, me thamuâ kö Iehova Khongubun: E so ame he tavat hia adre me laba igigilo e ka ham je bwihlany ka at ae ûcû ke ka outen.

Ta je Vejec 20:25

Hnân hnewe ka at ame ie ha okabâ ke ûnyi, Ke e ka hia but bi khöbi, me ame he bi ka hnö.

Isaia 19:21

Ke ame he Iehova ka manen bi hnyi Aigupito, kʼ ame he at Aigupito ka khanʼ ödra Iehova hnyi bong eling; eke, adre me he ka khudrung me je hut me je bwihlany, me bi khöbi kö Iehova, me ohwâdâ bi e.

Jona 2:9

Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Numera 30:2

Ame ne he ke at ka bi khöbi kö Iehova, ame ne khemanyin he ka ca hnyekon ge hwan hofuc, me e ame ca he ka hanyâûâ hnen hna ha; ke e ame he ka ânyâ hia hoton hna he but ûuyi hnyi hnyimen.

Mataio 5:33

Ke haba khaca, öbun e hia but long a gʼ adre ha kodra kâû adrem, ka habe, U me ca he ka khemanyin thoi, ke hamâm he ka thamuâ ka Than hnâm hna khemanyin:

Heberu 10:6

U me ca senyinâ je hut adre le ae bekhöt me ta je hut can hulo:

Owisa 11:35

Ke e ame wâ e, me e ame kia anyin ûkhaû, me ha, ka habe, Ekölö ge nokuk! u je hia but ohmakâ hnyekuk, ke iny vec ut gam: anyin a oge hia but fuc kö Iehova, ke ca khanö nya bi he ka hmetu.