At Khet 5:2 - Iaai Bible 1901 (New Caledonia)

² Ca he ka logot hnyimâm, ke ca he ka logot hnyekom, he ka ha ke hofuc hnyi hnyimakan Khong; anyin a ethö Khong hnyi drany, ke u ang hmeledrany: anyin a wale e so e wakhalet hwâm je hofuc.

At Khet 5:2 ပူးပေါင်းရင်းမြစ်များ

Genese 18:27

Ke Aberahama ame thu me ha, ka habe, Wâ bi, anyin a iny hwege hnyok he ka fuc köu, Than, kʼ iny sesâiny kânâ me hnabadröu;

Genese 18:30

Ke haingen, ka habe, E na ca he Than ka hmö-nyin, mʼ oge me he ka fuc: hawa a ne hu tavat a thöte? Ke e ame ha, ka habe, Oge me ca he ka ânyâ oge ne wâ eling tavat a thöte.

Genese 18:32

Ke e ame ha, ka habe, E na ca he Than ka hmönyin, mʼ iny okhaca biju fuc: hawa a ne hu tavat a libenyita? Me haingen, Oge me ca he ka ohia e can tavat a libenyita.

Genese 28:20

Ke Jekob ame hipʼ khöbi, me ha, ka habe, Ame ne he Khong ka tha e mönya, me tuö nya hnyi gethen ang oge me vheno, me haök, me ha khauk,

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

Salamo 115:3

Ke ethö hnyi drany Khonguta: A hia but ânyâ hia hnen hna weny.

Ta je Vejec 10:19

E ka se hia hofuc, me ca ba hulo: Ke metâ at ame noc bohmen.

Ta je Vejec 20:25

Hnân hnewe ka at ame ie ha okabâ ke ûnyi, Ke e ka hia but bi khöbi, me ame he bi ka hnö.

At Khet 10:12

Haba je hofuc hwan hnyimen at ae metâ, me wale tang betenge; ke haba li esongodiny at ae monu me ame he ka utâ e bi.

At Khet 10:13

Haba hofuc a bân ûnyi hnyi hnyimen me wale hwen monu; ke haba hofuc a biliny ûnji hnyi hnyimen, me ti hwen monu.

At Khet 5:3

Anyin ame kû bwi hnen ta je huliwa ae se hia; me ifucin at ae monu hnen ta je hofuc ae se hia.

At Khet 5:7

Anyin ame he ka helâe can je bwi ae se hia, me je thatûnyi, me se hia je hofuc: ke u me he ka outen Khong.

Isaia 55:9

Auyin ae gorany drany hon hmeledrany, helâe dek ta je gethen ae gorany hmonyin hon debun je gethen, ke ta je ûnykûmenök ae gorany hmonyin hon ta je ûnykûmenöbun.

Levitiko 5:4

ke ame ne he ke at ka ie khemanyin ge li esongodiny he ka ânyâ ûnyi ae kong, ame ne ûnyi ae so, haba ta je ûnyi hia e ame ie ha me khemanyin, ke iyong kâu, haba hnyi ûen ae khana me e at hulö hnyi ke ûnyi eling:

Mataio 6:7

Ke öbun ka he ka hic ca labö ha thiju ke hofuc a khaca, helâ me hna ânyâ hnen Aten ke je hnyei: anyin adre me ûnykûme a gʼ adre me he ka ling ödra ûnyi ge hnödra hna osehia ha.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Mareko 6:23

Me e ame khemanyin kâu, ka habe, Oge me he ka ham köu hnâm hna he ka ha könya ke ne o but hnyi ke keihen a hafiny dökhuk dokhu.

Iakobo 3:2

Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.

Owisa 11:30

Ke haba Jefetha ame bi khöbi kö Iehova, ka habe, U je ne he ka hna laku Amona ka huyi hnyamök,