At Khet 5:18 - Iaai Bible 1901 (New Caledonia)

¹⁸ Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 5:18 ပူးပေါင်းရင်းမြစ်များ

Salamo 42:8

Ke ame he Iehova ka hûna anyin betenge hnyi lany, Ke haba hnyi lit ame he ka tha e mönya anyin khumöng, Wale hic ka Khongon melik.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 2:10

Ke oge me ca behânâ ta je ûnyi hia ame bewâ hnen li emakök: oge me ca thawâ hnyekuk ûnyi hnyi ta je senyin hia, anyin ame senyin hnyekuk ge anyik ta je huliwa hia; ke wale troban anyik ta je huliwa hia.

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

At Khet 2:3

Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 6:2

wale at hnen Khong hna ham omjeû kâu, me ta je ûnyi, me ogânâ, ke ca hia bi gan ke ûnyi e ame weny, ke so bi Khong ame ca hna but kâu man he ka han hnyin, ke ame han hnen atkanyua; wale thatûnyi me mok ae kong.

At Khet 8:15

Me oge me haisoâ hna hobâ, anyin ae ba so ka at hmelen seûno, ke so bi adre me he ka han me ic me senyin: anyin a wale ûnyi ame he ka tha e me at hnyi anyin huliwa hnyi bongon ta je bong hia wale a ham kâu Khong hmelen seûnö.

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Jeremia 52:34

Ke haba jekhon, me adre me labö khene jekhon unyin than Babulona, hnyi ke bong me ke bong ke ne o but hnyi bong e ame mokcu hnyin, a je bongon hia anyin möt.

I. Korinito 16:16

e so öbun e he ka long hoton tavat helâe, me ödra hia minya adre me ûhadruo me huliwa.

Deuteronomi 12:18

ke u me he ka han ta je ûnyi e hnyi hnyimakö Iehova Khongom, hnyi dok ame he Iehova Khongom ka ûca, u, me nokom baga, me nokom hlu, me athnyabaem baga me momo, me at Levi hnyi ânyâm je lap: ke u me he ka senyinâ hyni hnyimakö Iehova Khongom ta je ûnyi hia u me he ka ânyâ.

Deuteronomi 12:7

ke öbun e he ka han e hnyi hnyimakö Iehova Khongubun, me öbun e he ka senyinâ ta je ûnyi hia öbun e ânyâ, öbun me anyibun je lap, wale ame ohnahici u hnyin Iehova Khongom.

Deuteronomi 26:11

ke u me he ka senyinâ ta je so hia a ham köu Iehova Khongom, me ka ânyâm lap, me at Levi, me atkanyaua unyâm.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;