At Khet 5:14 - Iaai Bible 1901 (New Caledonia)

¹⁴ ke ame hia ta je omjeû eling hnyi deny ae kong; ke ame ne hu nokon, me ba ke ûnyi hobi kâu bi.

At Khet 5:14 ပူးပေါင်းရင်းမြစ်များ

I. Je Than 14:26

ke e ame hom ta omjeûiny uma umo Iehova, me omjeûiny uma umen than; e ame hûgûnâ hia: ke e ame hom hia je bec gol a ânyâ Solomona.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Jobu 5:5

Ke ame han hnödrin hna menu hnen at ae mekihnânem, E ame hûgûnâ e ûnyi hnyi je ûö ae ûdö, A memang ut hnewe hobi kâu anyidrin ta je ûnyi.

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Salamo 49:18

Eja ke ne a ne hahnahicâ hing hanon ke tiga möt, Kʼ ame he keihen ka haisoi u, can u je ka ohmanenangi u bi,

Ta je Vejec 23:5

Hawa, u me he ka wâ hmâ ûnyi ae ba önyen? Anyin a haba je omjeû, me ame labö bi labenyin, Helâ me aeto at ame gâ dranyai.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 5:13

Walang ûnyi ae kong ae vec oge me wâ hmelen seûno, je omjeû a tuö hnen ke at a omjehen, kʼ ame ka ovecâ e bi gan:

At Khet 5:15

Helâji me ioiny a gʼ ame he thu ûnyi hnyi hnyekon hinyen, me helâe minya e ame he ka hmetuhmetu helâ me ûen a o hnyin, ke ba ûnyi e ame he ka hom ûnyi hnyi anyin ta je huliwa me hom hnyi hnyamen bi.

Hagai 1:9

Öbun e gejon ûnyi ae gan, ke wâ bi, e ûhnyûkong; ke öbun e hom e ka hnyi hnyaba, me oge me tûâ e. Geû? haingö Iehova tuhan sabaoth. Can umök uma ae hnyot dö, ke öbun bi, öbun e ve wadring ka hnyi umöbun je uma.

I. Samuela 2:36

Ke haba je kolon hnyi ânyâm lap, me adre me he ka o kâu me nom kâu hnân ong sileva, me u jeû, me ha, ka habe, Ö u ha hanymök a hanymen at bihut, mʼinye hnyi han ong jeû.