At Khet 5:13 - Iaai Bible 1901 (New Caledonia)

¹³ Walang ûnyi ae kong ae vec oge me wâ hmelen seûno, je omjeû a tuö hnen ke at a omjehen, kʼ ame ka ovecâ e bi gan:

At Khet 5:13 ပူးပေါင်းရင်းမြစ်များ

Genese 14:16

Ke e ame hom hmeto ta je ûnyi hia, ke ame hom hmetu minya Lota a keiny, me anyin ta je ûnyi, me omomo, me tavat.

Genese 19:14

Ke Lota ame didrut me ûhnenamö me laûngon, hnyat ödrin e hom lakon je hlu, me haingen, ka habe, Todrö, kec dö ge dok ang, anyin ame he Iehova ka ohia hnyei. Ke laungon ödrin e ûnykûme a gʼ ame ûhiö.

Genese 19:26

Ke haba âiân ame hwiö hmetu, mʼ adre wia momo e me me sâlt ame tot wisa.

Jobu 20:20

Anyin a e ame ca menâ ge monu eû hnyi hnyekon Kʼ ame ca he ka hip kolon ta ûnyi e ame hnyok kâu.

Ta je Vejec 1:19

Helâe dedra ta je gethen hia tavat adre me behnyekudra omjeû; Ame ohia möt anyin tavat ae tren e.

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 23:4

Ca osēnyini u bi he ka tren omjeû; Degec ut a ka hnâm bi hna wâ ûnykûme.

Ta je Vejec 27:24

Anyin ame ca tethmâ nyiele balua je omjeû; Ke hawa, e bi korona ke ne o but ke dö me ke dö?

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

At Khet 5:14

ke ame hia ta je omjeû eling hnyi deny ae kong; ke ame ne hu nokon, me ba ke ûnyi hobi kâu bi.

At Khet 8:9

Oge hia but wâ ta je ûnyi hia eling, ke oge me ûnykûme eû hnyi hnyekuk ta je ûnyi hia adre me ânyâ hmelen seuno: e hu ûen adre me muso ke at ge ke at bi me me kong.

Isaia 2:20

Ke hnyi bong eling amo he tavat ka degec anyidra je idola sileva, me anyidra je idola gol, waleji adre me tibet hnân hic kodra, adre me he ka degec ka je afora, ke ta je obûbû bi;

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Luka 16:19

E hu ke at ae tren omjeû, ke e ame khavâ ûkhaû ae dra me mano lino, kʼ ame manenang hnyi ta je bong hia:

Luka 19:8

Ke haba Zakaio ame tot me ha ka Than, ka habe, Than lö, wâ ju, inya oge me ham ke keihen a hafiny anyik ta je ûnyi ka tavat ae theduoc; ke oge ne hia but hûgûnâ monoâ omjehen ke at, me oge me ibi ovak hmetu bi hwaban.