At Khet 5:10 - Iaai Bible 1901 (New Caledonia)

¹⁰ Haba at ame hnyokâ sileva, me ame ca he ka sekon ge sileva; ke haba at ame hnyokâ omjeû ae se hia, me ame ca he bi ka sekon ge hna osehia: Wale ke thatûnyi.

At Khet 5:10 ပူးပေါင်းရင်းမြစ်များ

Salamo 52:1

AT ae hwege lö, ieû gam u me ohobeluâ ûokonguny? E bala bi ibetengiö anyin Khong.

Salamo 52:7

Wâ ju at ame ca oûnyihnatho bi Khong me me hnabâ bi kâu; Kʼ ame gejoâ ûganiny tang omjehen, Me ohwegiâ e bi hnyi anyin hulo.

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

At Khet 1:17

Ke oge me kong hnyekunâ he ka metâ, me he ka khana hwen monu me hwakecin ae ûnyi baû: oge me wâ a gʼ ame han minya ang.

At Khet 1:8

E ti unöngöt ta je ûnyi hia ge sënyin; e pason he ka ha: ke ca sekon bi li ecmak ge hna wâ, kʼ ame ca unöngöt li hnyeköny ge hna long.

At Khet 2:10

Ke oge me ca behânâ ta je ûnyi hia ame bewâ hnen li emakök: oge me ca thawâ hnyekuk ûnyi hnyi ta je senyin hia, anyin ame senyin hnyekuk ge anyik ta je huliwa hia; ke wale troban anyik ta je huliwa hia.

At Khet 2:11

Me oge me wâ ta je ûnyi hia ame ânyâ hnen li hnyamok, me ta je huliwa oge me huliwan he ka ânyâ; ke wâ bi, thatûnyi hia, ke ame han ang, ke ba troban hmelen seûno.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 3:19

Anyin a haba ûnyi ame o ka at, me ame o minya ka meno; kʼ ame o ködru ûnyi a khaca; haba mok anyin ke at, me helâ me mok anyin ke at; eke, e tha ûcû homenödru; ke ca beönua bi at hon meno: anyin a thatûnyi hia.

At Khet 4:16

Ca hnân bi aû tavat e ame muso: ke so bi adre me ca he ka senyin kâu hwaban dö e. E hnathu e thatûnyi e, kʼ ame han ang.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

At Khet 5:9

Ke haba jeûiny kânâ me hobi kâu tavat hia: kʼ adre me bi an than ûnyi hnyi hnyei.

At Khet 6:7

Haba ta je huliwa hia anyin at, hnân hobi kâu bi hnyimen, kʼ ame ca sekon bi weny.

Mataio 6:19

Ca ip hobi köbun tang omjeû eang hmeledrany, ae hu nokon walelaba me viiny he ka ohia, wale dok ae hu at venöu hnyin adre me he ka kia me venâu:

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.