At Khet 4:9 - Iaai Bible 1901 (New Caledonia)

⁹ E so li at a lö hon at a khaca; anyin ödru me he ka hu hwaban ae so anyidru huliwa.

At Khet 4:9 ပူးပေါင်းရင်းမြစ်များ

Genese 2:18

Haba Iehova Khong ame ha, ka habe, E ca so e he ka hake laba at; oge me he ka ânyâ hobi kâu ke ûhadruo ae ûcû kâu.

I. Man Ûlabainy Je Than. 19:12

Ke e ame ha, ka habe, A ne hwege huk at Suria, me u me he ka hadruo nya: ke ame ne hwege hom lakon Amona, me oge me he bi nya ka hadruo u.

Ta je Vejec 27:17

Adre khet homakan fao hnen fao; Helâe ame so hnyimakan at ûnyi ge ihuminy.

At Khet 4:10

Ame ne ta ke at me hamen ke at he ka lelö hanen: ke e köiö ge at a khaca e ka ta but, ke ba hanen he ka lelö hmetu e.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

Hagai 1:14

Me haba Iehova ame bwebwelâ hnyeku Zerubabela nöku Sealetiela gavenainy Juda, ke hnyeku Josua nöku Jozadaka at bihut ae beönua, ke je hnyekon tavat hia hnyi hnyei; me adre me o, me ânyâ huliwa hnyi uma umo Iehova tuhan sabaoth, Khongudrin,

Numera 11:14

E ca khanö nya he ka hake kap tavat eang, anyin ae ti hmak könya.

Mareko 6:7

Ke e ame hawâ hnyat a twelv, me hwân he ka kunʼ ödrin, a ödrin ûcû lo; ke e ame ham ködrin musi hon ta je hanu ae kong;

Ioane 4:36

Haba at ame hiny, me e ame kap hwaban, kʼ ame ûkhöûnâ troban hobi kâu möt ame ca ba; me me tha senyin at ame tā me at ame hiny.

Ta je huliwa 13:2

Ke ödrin e huliwa ka Than, ke ânyâ ca han, me ame ha Hanu Kap, ka habe, Ovesei Saulo thö me Banaba könya hobi kâu huliwa oge me hawʼ ödru kâu.

II. Ioane 1:8

Ō ʼbun aû, wâ e nye hia but gabun ta je ûnyi öhmun e hia but huliwan, ke so öbun e kap hwaban ae unöngöt.

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.