At Khet 4:8 - Iaai Bible 1901 (New Caledonia)

⁸ E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

At Khet 4:8 ပူးပေါင်းရင်းမြစ်များ

Genese 2:18

Haba Iehova Khong ame ha, ka habe, E ca so e he ka hake laba at; oge me he ka ânyâ hobi kâu ke ûhadruo ae ûcû kâu.

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Salamo 39:7

Ke walang ang, Than, ieû oge me halubahingen? Ke u thibi hnok hna gejon.

Ta je Vejec 27:20

Ame ca sekon hedis me hnaûhango; Ke haba khaca, ame ca sekon li emakan at.

At Khet 1:13

Ke oge me kong hnyekunâ he ka elâm me hnö a deny metâ, ta je ûnyi hia adre me ânyâ hnyi hmeledrany: e hmak hmonyin huliwa Khong ame ham ka lakon tavat he ka huliwan.

At Khet 1:8

E ti unöngöt ta je ûnyi hia ge sënyin; e pason he ka ha: ke ca sekon bi li ecmak ge hna wâ, kʼ ame ca unöngöt li hnyeköny ge hna long.

At Khet 2:21

Ke waleû at ame huliwa hnyi metâ, me wâhmakhmeto, me ti khana; ke so bi e ame he ka hna e ka at a ca hnyi huliwan bi me hnân weûhûneny. Wale minya thatûnyi, me monu ae gan hmâ.

At Khet 2:23

Anyin a e ame vec thibi hnyi bongon taje bong, kʼ ame huliwa hnyi hloûhloû; eke, ame ca mokut bi hnyekon hnyi je hnyinghet. Wale ke thatûnyi.

At Khet 4:7

Me oge me hmetu me wâ ta je ûnyi baû hnyi hmelen seûno.

At Khet 5:10

Haba at ame hnyokâ sileva, me ame ca he ka sekon ge sileva; ke haba at ame hnyokâ omjeû ae se hia, me ame ca he bi ka sekon ge hna osehia: Wale ke thatûnyi.

At Khet 5:9

Ke haba jeûiny kânâ me hobi kâu tavat hia: kʼ adre me bi an than ûnyi hnyi hnyei.

Isaia 5:8

Ekölö ge tavat adre me bi hanen ke uma ka ke uma, ke bi hanen ke utkânâ me ke utkânâ, ke ne o but ame ba dok hnân laba hnyin, mʼ öbun biju öbun e hake laba hnyi wanben hnyei!

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

I. Ioane 2:16

Anyin a haba ta je ûnyi hia thithö eang hmeledrany, wale behnyekon ta je ûnyi hnyi unyin, ke behnyekon hnen li ecmak, ke hobeluâ monoâ möt ang, me ca ûnyi ge Kamen, ke ûnyi eang hmeledrany.