At Khet 4:1 - Iaai Bible 1901 (New Caledonia)

¹ KE oge me hmetu me wâ je hna seda hia hmelen seûno: ke wâ bi je deköien tavat adre me oveci ödra, ke ba at ame hadruʼ ödra; ke tren hwege tavat adre me oveci ödra, ke ba at ame hadruʼ ödrin bi.

At Khet 4:1 ပူးပေါင်းရင်းမြစ်များ

Jobu 16:4

E khanö nya minya he ka fuc helâ möbun; A ne laba hanubun hnyi hnen hanuk, E khanö nya he ka ûhûjâköuâ je hofuc köbun, Me nyinyikâ bök köbun.

Jobu 35:9

Tavat adre me tenge ge je ûokonguny ae se hia; Adre me khöû ge benyin tavat ae hwege.

Jobu 6:29

Öbun na hmetu ju, me me ba ûnyi ae hwali; E ke, hmetu ju, ame wisa anyik ûhnenamö.

Jobu 9:24

Adre me hna hmeledrany ka hnyi hnyamen at ae kong: E ame tube je hnyimakan tavat owisa e; Kʼ ame ne ca at eling, awe, ia bi?

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 142:4

Wâ ju hnyi ke keihök a metök, me wâ; anyin ae ba at ae khana inya: E ba but hnyeutök; ke ba at ame ûnykûme hanuk.

Salamo 142:5

Iehova lö, oge me tenge köu; Haingök, ka habe, U thibi hnyeutök, Me jekhöûk hnyi hnyei iny tavat ae möt.

Salamo 42:3

Haba hing ök jeû hnyi lany me lit me deköien li emakök, Waleji adre me labö ha könya hnyi je bong, ka habe, Ewa Khongom?

Salamo 42:9

Oge me he ka ha ka Khong a kicik, ka habe, Ieû gam u me hnying nya? Geû oge me tenge tot ge hna okongu nya hnen je iwahnaihmiony?

Salamo 69:20

E vec hnyekuk ge hna haikongu nya; ke iny unöngötö ge hmak: Ke oge me halubahingen ibetengiö, ke ba bi; Me ûötubweli, ke oge me ca wâ bi.

Salamo 69:21

Ke adre ham könya waada hnân ök jeû; Ke hnyi hnok hna beic adre me ham könya vinega he ka ijem.

Salamo 80:5

U je hia but haödra ge jeûiny tenge Me habelidra gan hmâ ge deköien ecmak.

Esodo 1:16

ke haingen, ka habe, Öbu ka he ka tuö erkin anyin at Heberu, me ô ʼdrin adre me he ka hnokoâ; ke ame ne baga hlingâ but: kʼ ame ne hlu, me ame he ka möt.

Esodo 1:22

Ke Farao ame hûna ka lakeiny hia, ka habe, Öbun e he ka khûâ ka hnyi wagewe je wainda hia adre hnokoâ, ke omelö ju je waindusem hia.

Ta je Vejec 19:7

Adre me hûkotiâ at ae ba ta ûnyi hnen je liamekeiny më: Kʼ ame ti he je lawaeny ka ûsâkâûö më, E ame hnu hotudrin me je hofuc, ke hiʼ ödra bi.

Ta je Vejec 28:3

Haba at ae ba ta ûnyi kʼ ame ovecâ tavat ae theduoc, Me wale at ame helâ me we ame hom; degecâ ta je jeû.

Ta je Vejec 29:2

E ka se hia tavat ae wisa, me ame senyin tavat: Ke e ka musi at ae kong, me ame he ka mâng tavat.

At Khet 3:16

Ke oge me wâ hmetu hmelen seûno, ae hnyi umen owisa, a e bi ling hwakecin ae kong; ke e bi hnyi hnen hwakecin ae wisa, wale bi e hwakecin ae kong.

At Khet 5:8

U je ne wâ hna okongoâ at ae theduoc, kʼ adre me ne hûgûnâ hwegiâ hna owisa me ûnyi ae ûcû hnyi ke keihen hnyei, ca uthmâhmâ bi ge ûnyi eling: anyin ae hu at ae gan hon tavat ae beönua ame wâ; ke e hu bi ae beönua hudra.

At Khet 7:7

Haba behom gânâ ame omonoâ at ae metâ; ke haba bwihlany ame okongoâ wâ ûnykûme.

At Khet 8:9

Oge hia but wâ ta je ûnyi hia eling, ke oge me ûnykûme eû hnyi hnyekuk ta je ûnyi hia adre me ânyâ hmelen seuno: e hu ûen adre me muso ke at ge ke at bi me me kong.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 51:23

ke oge me he ka ip e hnyi hnyamen tavat adre me oveci u; waleji tavat adre me hia but ha köu, ka habe, Nom ju mʼ öhmun e he ka he but hom: ke u je hia but ham jom hnân hing kânâ, ke helâ me gethen, ka tavat adre me vheno.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Jeremia 16:7

ke ame ca he tavat ka tha subö areto hnyi tenge gadra wale hnân otubweli ödra ge je komok; kʼ ame ca he tavat ka ham kodra kaia ka habelidra hnân otubwelâ ge kamödra me hinyödra a mokcu.

Je tenge anyi Jeremi 1:16

Can ta je ûnyi eling, me oge me tenge; ke haba emakök, me ame hingölö köiö ûnyi hnyi li emakök; Anyin ae ûsâkâûö but mönya at ûötubweli, at a hamen he ka okahwa hnyekuk: E ba but thatûnyi anyin je lakuk, anyin ame ton iwahnaihmiony.

Je tenge anyi Jeremi 1:17

Ziona ame lau li hnyamen; e ba at he ka otubwelâ; Iehova ame hia but ha ga Jekob, a gʼ adre me he ka iwahnaihmiony më tavat igigilo e: E ikiki Jerusalema unyidra.

Je tenge anyi Jeremi 1:2

E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.

Je tenge anyi Jeremi 1:9

E hnyi obiny anyin ûkhaû anyin ikiki; e ame ca ûnykûme obiny kâu; Anyin a wale hnân lâiâ hna oûhnyûkongoâ e; e ba at ame otubwelâ e: Iehova lö, wâ bi anyik vec; anyin ame bi gan iwahnaihmiöny.

Amosa 3:10

Anyin e ca khanʼ ödra he ka ânyâ ûnyi ae ûcû, tavat adre me ûkhöûnâ ûokonguny me hna söh hnyi umödra je uma ae hmanenang, haingo Iehova.

Amosa 3:9

Haimemenâ thö hnyi je uma umen than hnyi Asedoda, me je uma umen than hnyi hnyei Aigupito, me ha, ka habe, Ûkhacaköu thö hon je buceniny Samaria, me wâ je imediököu ae gan hnyin e, me je hna ovecâ hnyi wanben e.

Malaki 2:13

Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 26:56

Ke adre me ânyâ hia e me me hwâdâ hna sihnalimen ge ta je perofeta. Ke haba laten, me ödrin e hna but e me kec.

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

Deuteronomi 28:48

anyin a wale u me he ka bi i athnyabainy je iwahnaihmiony möu tavat ame he Iehova ka kunâ köu, kʼ u mekihnânem, me beic, me he thu, me weny ta je ûnyi hia: kʼ ame he ka ip ûnyi hnân ûhûkâlâköuâ a fao hon nyem, ke ne o but e ame ohiö u.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Owisa 4:3

Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.