At Khet 3:4 - Iaai Bible 1901 (New Caledonia)

⁴ ûen tenge, me ûen hluma: ûen hnyamok, me ûen bibiâ;

At Khet 3:4 ပူးပေါင်းရင်းမြစ်များ

Genese 21:6

Ke haingö Sara, ka habe, Khong ame hia but ohlumö nya; kʼ ame he ka tha hluma mönya tavat hia adre me löng.

II. Samuela 6:16

Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Esodo 15:20

Ke Miriama perofeta momo, hani Arona, ame hom bwinybet hnyi hnyamen; ke omomo hia ae ve hu bwinybet odrin e he hoton me bibiâ.

At Khet 3:5

ûen khûâ degecâ je veto, me ûen ûkhöûnâ je veto; ûen ûdeluö, me ûen ca he ka delûâ;

At Khet 7:14

Senyin dö hnyi bong sot, ke ûnykûme ju hnyi bonginy vec: Khong ame ânyâ khaca me me ûcon khaca, me me ca he bi at ka wâ ta je ûnyi ame he ka o hwaban e.

Isaia 40:1

ÖTUBWELÂ ju öbun, otubwelâ ju öbun lakeik, haingen Khongubun.

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Mataio 11:17

me ha, ka habe, Ohmun e hia but tuö köwi köbun, ke öbun e ca bibiâ bi, ohmun e hia but tenge köbun, ke öbun e ca sang betenge thö.

Mataio 9:15

Ke haba Iesu ame ha ködrin, ka habe, Hawa, e khana lahanen at a tep faipoipo he ka tenge, e ka tiga e unyidrin at a tep faipoipo? ke ame he ka o je bong me adre me he ka hom dö gadrin at a tep faipoipo, me wale ûen ödrin e he ka ânyâ hnyin ca han.

Luka 1:58

Ke a long ut tavat adre me laba hakekenyâ me lap a je liamekeiny mē a gʼ ame betenge gan Than; me adre me tha senyin mē.

Roma 12:15

Tha senyin dö me tavat adre me senyin; tha tenge me tavat adre me tenge.

II. Korinito 7:10

Anyin a haba hmak hnyok ae ûcû ka Khong, me wale at ame okûâ ietra ke ne o but ka hnyi möt, haba ietra eling, me ca hnân ietra hmetu: ke haba hmak hnyok ûnyi eang hmeledrany ame okûâ mok.

Iakobo 4:9

E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.