At Khet 3:20 - Iaai Bible 1901 (New Caledonia)

²⁰ Kʼ ame he ödru lo hia ka hnyi dok a khaca; ûhedru hia eû hnyi kânâ, kʼ ödru me he ka wia hmetu hia me me kânâ.

At Khet 3:20 ပူးပေါင်းရင်းမြစ်များ

Genese 25:17

Ke walang ta je hunainy möt anyi Isamaela, khaca haded ke thöte seven ta je hunainy; ke e ame khûö homenâ me mokcu, kʼ adre öûkhacaköuâ me lahanen.

Genese 25:8

Ke Aberahama ame khûö homenâ, me mokcu ke ti hingat ut, me se hia hunainy; kʼ adre öûkhacaköuâ me lahanen.

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Jobu 14:10

Ke haba at ame mokcu, me aû but: Eke, ame mokcu at, me ewa hmetu?

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Jobu 17:13

Oge ne elâm erkemok helâ me umök uma; Oge ne hia but ulolo hnok hna mokut hnyi menekholom;

Jobu 30:24

Ke hawa ame he ka inâ hnyamen ka hnyi vetaûnyi! E ûcû at he ka tenge ge ta je ûnyi eling, eja ke ne adre ne ohia e.

Jobu 34:15

Ame he ka tha mok tavat hia, Ke ame he at ka hmetu ka hnyi kânâ.

Jobu 7:9

Helâke ûlâ ame aû, kʼ ame hia but, Me helâe at ame dit ka hnyi erkemok, e ame ca he hmetu ka ölö goranyai.

Salamo 103:14

Anyin ae khana bongon hna tretrau ota; E ame labö ûnykûme a ota sesâiny kânâ.

Salamo 104:29

U je ikhâlâ hnyimâkâm me adre me hlohlo; U je hom hmetu homenâ gadra, me adre me mokcu, Kʼ adre me hmetuhmetu ka hnyi sesâ.

Salamo 49:14

Adre me ip ödra a hnahat hobi kâu hedis; Kʼ ame tuʼ ödra ge mok, helâke at tuö mamoe: Ame he tavat ae wisa ka musi ödra hnyi haolany; Kʼ ame he anyidra hmanenang ka bi obiny hnyi hedis, me me ba umen bi e.

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

At Khet 3:21

Ie at ae khana hanon at ame ölö goranyai, me hanon meno ame utut kâû hnyikânâi?

At Khet 6:6

eke, eja ke ne a ne möt hnyi lo li thauzan je huna, kʼ ame ca wâ bi so: hawa, me ca he ka he ka hnyi dok a khaca?

At Khet 7:2

E so he ka he ka hnyi uma ödra ka tenge hnyin, hon he ka he ka hnyi uma ödra ka bijeû hnyin: anyin a wale obiny tavat hia; ke ame he at ae möt ka ûnykûme e eû hnyi hnyekon.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Numera 27:13

Ke u ka hia but wâ e, me u me he ka he minya ka tha mokut me lakâmâm, helâ me Arona a tuhâm: