At Khet 3:2 - Iaai Bible 1901 (New Caledonia)

² e hu ûen hna hnöku ota, me ûen mok; ûen he ka tā, me ûen oc hmetu hna tā;

At Khet 3:2 ပူးပေါင်းရင်းမြစ်များ

Genese 17:21

Ke haba anyik ûhihinyköu me, oge me he ka ohmâ e me Isaaka, at ame he Sara ka hnokoâ ûnyi gam hnyi ûen eang hnyi huna ame he ka o.

Genese 47:29

Ke hakekeny jut ûen ame he Isaraela ka mok; ke e ame baö Josefa e nokon, me hûna kâu, ka habe, U je ne betenge gak, ö u inâ ju hnyamâm hmelen jevak, me ânyâ ûnyi ae so me hnathu könya; u na ca he ju ka könim nya eang Aigupito:

I. Je Than 13:2

Ke e ame hongot ka hnyi taben hut ge hofuc ho Iehova, me ha, ka habe, Taben hut, taben hut lö, walang hna ha hnö Iehova, Wâ bi, adre me he ka hnokoâ wanakat ka hnyi lap anyi Davita, Josea ien; ke e ame he ka hudo hom je hnyat bihut hnyi je dok ae görany, tavat ödrin e leû uto ae bo so hom, ke ödrin e he ka le hom je jeien at.

II. Je Than 4:16

Me ame ha, ka habe, Cicö ûen ang hnyi huna ame he ka o, me u ma he ka delûâ ke da. Haingen momo, ka habe, Ohe, than a aten Khong u me ca he ka thoi ka athnyabaem.

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Jobu 14:5

Anyin adre hia but omuâ anyin je bong, e unyâm ûseiny je tehiny, Me u je hia but bi hnyigöulen e, me e ame ca he ka hanyâûâ;

Jobu 7:1

HAWA, e ca hamen at he ka vat eang hmeledrany? Ke, ca ûcû anyin ta je bong me je bong bongon at ame hok hwaban?

Salamo 113:9

E ame wia momo ae toûnyi he ka tuö uma, Me me hnokoâ je lakon hnyi senyin. Oganö Ja thʼ öbun.

Salamo 52:5

Kʼ ame he Khong ka hagutâ degeci u ke ne o but nyiele balua, E ame he ka kot u, me oc degeci u ûnyi hnyi umâm uma mano, Me uk u ûnyi hnyi hnyeiny tavat ae möt [Sela.

Ta je Vejec 24:27

Penapena ju ânyâm huliwa eû, Ke hnakânâ wia e hobi köu bi hnyi hnyot; Ke hwaban e, u me he ka op umâm uma.

Isaia 28:24

Hawa, ame he at trohnen ka labö trohnen me me cekön? hawa e ame he bala ka wia me omomono kânân kânâ?

Isaia 38:1

KE haba hnyi ûen eling ame he but Hezekia ka mok. Ke ame o kâu Isaia perofeta nöku Amosa me ha kâu, ka habe, Walang hna ha hnö Iehova, ka habe, Ûhûneköu thö me ânyâm lap; anyin a u me he but ang ka mok, ke u me ca he bi ka möt.

Isaia 38:5

He thö me ha kö Hezekia, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ ta je deköiâm: me wâ bi oge, me he ka bi hanen bongom je bong a fiftin je huna.

Isaia 54:1

KHUMÖNG dö, u momo toûnyi at ame ca hnokoâ; ke ie khumöng dö goranyai, ke hongot senyin dö momo ame ca vec hnyekom: anyin ae se hia lakon tavat laba baû hon lakon tavat ae hu laöiödra, haingö Iehova.

Jeremia 1:10

wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 45:4

U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 15:13

Ke e ame thu me ha, ka habe, Haba ta je ûö a ca tā bi hnen Kamök ethö hnyi drany, me adre me he ka oc dö me iwân.

Luka 1:13

Ke haingen angela ame ha kâu, ka habe, Zakaria lö, ca ot: anyin adre me löng hijâm hic, me ame he âiâm Elisabeth ka hnokoâ nokom, ke u me he ka hwenyi ien Ioane.

Luka 1:20

Ke wâ bi, u me he ka hum, ame ca he ka khanö u fuc ke ne o but hnyi bong adre me he ka ânyâ hnyin ta je ûnyi e, anyin a u je ca kap hok hofuc, wale ame he ka hwâdâ hnyi ûen e.

Luka 1:36

Ke wâ bi, haba liamekeiny möu a Elisabeth e erkin dut, ka someca but: ke siksiny ju ang je tehiny, waleji adre me ha me toûnyi.

Ioane 16:21

E ka vec dö hnyekon momo a erkin, me e ame hlöuhlöu anyin a o but ûen: ke e ka o but wanakat me e ame ca ûnykûme hmetu anyin vec, anyin ame senyin a ga hnokoâ ke at ka hnyi hmeledrany.

Ioane 7:30

Me adre me elâm he ka kât e: ke ba ke at ame hinôbeny kâu, anyin ae tiga ca o bi ûen.

Ta je huliwa 7:17

Ke hakekeny jut ûen adre me ha bânâ, waleji a ha Khong kö Aberahama, me ame osehia me si but tavat hnyi Aigupito,

Ta je huliwa 7:20

Wale ûen adre me hnöku Mose hnyin, e wanakat ae hmanenang; ke adre hat e hnyi uma umen kamen kun ta tehi:

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Deuteronomi 34:5

Me haba Mose, a athnyabai Iehova ame mokcu eling, hnyi hnyei Moaba, hoton hofuc ho Iehova.

Heberu 9:27

Adre me ip ka tavat he ka okhaca mok, ke hwaban e ûhnei;

I. Samuela 2:5

Haba tavat ae sekon me ödrin e hnʼ ödrin bi he ka huliwa hnân jeû; Ke ame menâ but tavat ae mekihnânem; Ke ame hnokoâ seven hnen at ae tounyi; Ke ame sënyin dut at ae hu lakon, ae se.