At Khet 3:17 - Iaai Bible 1901 (New Caledonia)

¹⁷ Haingök hnyi hnyekuk, ka habe, Hamen Khong he ka owisa ka at ae wisa me at ae kong: anyin ae hu ûen ta je ûnyi hia me ta je huliwa hia.

At Khet 3:17 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

At Khet 1:16

Oge me ûhnenamö me hnyekuk, haingök, ka habe, Wâ bi, oge hia but hom hobi könya metâ ae beönua hudra hia adre bödra hnyi Jerusalema: eke, a wâ but hnyekuk metâ me wâhmakhmeto ae gan hmâ.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

At Khet 2:1

HAINGÖK eû hnyi hnyekuk, ka habe, Awe, oge me he ka cubic u ge senyin; anyin a wale he thö vheno thö so: ke wâ bi, wale ke thatûnyi.

At Khet 3:1

E HU bonginy ta je ûnyi hia, me ûen hobi kâu ta je huliwa hia hnyi hmeledrany:

At Khet 8:6

anyin a haba ta je ûnyi hia, me e hu ûen me owisa; anyin a haba okongon at, me hmak kâu:

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 12:9

Ke haingen, ka habe, Daniela lö, he thö; anyin adre hia but ikhâlâ me ohmâ haten ta je ûnyi e ke ne o but hnyi ûen obiny.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Ioane 5:22

Anyin a haba Kamen ame ca hnö ke at, ke e ame ham ka Nokon he ka hnö hia thö;

Ta je huliwa 1:7

Haingen ködrin, ka habe, E ca hanymöbun he ka wâ je bong me je huna ame ip ge Kamen kʼ ame muso bi.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

I. Thesalonika 5:1

HNYAT me lakeiny lö, e ca ûnyi hnathu he ka sihnalimen köbun bongon ta je ûen me ta je huna.

Hna Omanenâ 11:18

Ke ame hmonyin ta je hnyei ke ame o but ânyâm hmonyin, ke ûen he ka ûhnö tavat adre mokcu, me he ka ham hwaban ka lathnyabaem a ta je perofeta, me wakap, me tavat adre me okabâ iâm, tavat ae ûhnyûkong me tavat ae gan; me he ka ohnaûhangöi ödra adre me ohnaûhangoâ hmeledrany.

Hna Omanenâ 20:2

Ke e ame kât drakona, wale on ehac, a wale Diabolo me Satana, me ame ca e ke ne o but hnyi wan thauzan je huna,