At Khet 3:12 - Iaai Bible 1901 (New Caledonia)

¹² E khanö nya ae ba soidra, hon he ka senyin, me ânyâ so, ödra ka tiga möt.

At Khet 3:12 ပူးပေါင်းရင်းမြစ်များ

Salamo 37:3

Geju thö kö Iehova, ke mâdrâ so; Labâ hnyei, ke hnu hoton hnathu.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

At Khet 2:3

Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 8:15

Me oge me haisoâ hna hobâ, anyin ae ba so ka at hmelen seûno, ke so bi adre me he ka han me ic me senyin: anyin a wale ûnyi ame he ka tha e me at hnyi anyin huliwa hnyi bongon ta je bong hia wale a ham kâu Khong hmelen seûnö.

Isaia 64:5

U me ûkhanö me at ame senyin me ânyâ hwakecin ae wisa, tavat adre me ûnykûme köu hnyi dem ta je gethen: wâ bi, u je hmönyâm, ke öhmun e ânyâ hwakecin ae kong: öhmun e laba kueny hnyin, ke hawa, öhmun e ha ka möt?

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Deuteronomi 12:18

ke u me he ka han ta je ûnyi e hnyi hnyimakö Iehova Khongom, hnyi dok ame he Iehova Khongom ka ûca, u, me nokom baga, me nokom hlu, me athnyabaem baga me momo, me at Levi hnyi ânyâm je lap: ke u me he ka senyinâ hyni hnyimakö Iehova Khongom ta je ûnyi hia u me he ka ânyâ.

Deuteronomi 12:7

ke öbun e he ka han e hnyi hnyimakö Iehova Khongubun, me öbun e he ka senyinâ ta je ûnyi hia öbun e ânyâ, öbun me anyibun je lap, wale ame ohnahici u hnyin Iehova Khongom.

Deuteronomi 26:11

ke u me he ka senyinâ ta je so hia a ham köu Iehova Khongom, me ka ânyâm lap, me at Levi, me atkanyaua unyâm.

Deuteronomi 28:63

Ke wâ bi, helâji me Iehova ame senyin köbun he ka osoi öbun, me osehiʼ öbun, me helâe e ame he ka senyin köbun he ka ohiʼ öbun, me oumi öbun; ke adre me he ka oc degeci öbun ûnyi hnyi hnyei u me he ka hnyin mʼ u me hu.

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;