At Khet 2:3 - Iaai Bible 1901 (New Caledonia)

³ Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

At Khet 2:3 ပူးပေါင်းရင်းမြစ်များ

Genese 47:9

Ke Jekob ame thu kö Farao, ka habe, Khaca haded me thöte ta je huna oge me he kanyua hnyin; wakhalet thibi me kong ta je hunainy möt a inya, ke ca tha ûcû me je bonginy hunainy möt anyin lakamök hnyi je bonginy hnödrin hna he kanyua hnyin.

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Salamo 104:15

Me waina minya hnân osenyinâ hnyekon at, Me wakaco hnân hmanâ hnyimakan, Me jeû hnân sihwegiâ hnyekon at.

Ta je Vejec 20:1

HABA waina, me wale at hlumö at, ke haba grâg me wale at ame mede monu. Ke ca metâ bi at ame monu ge li ûnyi e.

At Khet 1:17

Ke oge me kong hnyekunâ he ka metâ, me he ka khana hwen monu me hwakecin ae ûnyi baû: oge me wâ a gʼ ame han minya ang.

At Khet 10:19

Adre ânyâ bijeû hnân hnyi hluma, ke waina ame osenyinâ möt: ke ûcû ta je ûnyi hia ka mone.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

At Khet 5:18

Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 6:12

Anyin ae khanö ia ûnyi ae so ka at hnyi möt ang, hnyi ta je bonginy anyin möt ae ûnyi baû, ame möt hnyin helâ me hmenu? ke ie at ame he ka omanenâ ka at ûnyi ame he ka o hwaban e hmelen seûno?

At Khet 7:18

E so u ma kât ûnyi ang; eke, ca hom hmetu hnyamâm ûnyi hnyin: anyin a haba at ame outen Khong, me ame he ka o ûnyi hnyi je ûnyi e hia.

At Khet 7:25

Oge me hwihwiö, me ûnykûme eû hnyi hnyekuk he ka khana, me elâm, me wâ metâ, me bongon ta je ûnyi, me khanö nya hnyikongon monu, me hwen monuiny monu:

At Khet 8:15

Me oge me haisoâ hna hobâ, anyin ae ba so ka at hmelen seûno, ke so bi adre me he ka han me ic me senyin: anyin a wale ûnyi ame he ka tha e me at hnyi anyin huliwa hnyi bongon ta je bong hia wale a ham kâu Khong hmelen seûnö.

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Efeso 5:18

Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu;

Owisa 9:13

Ke haingen vine ködra, ka habe, Hawa, oge me he ka hna degecâ anyik waina, at ame osenyinâ Khong me at, me he he ka hnyihnyikö hon ta je ûö?

I. Samuela 25:36

Ke Abigaila ame o kö Nabala, ke wâ bi, e ame ânyâ bijeû hnyi umen uma, helâ me bijeû anyin than; ke Nabala ame senyin hnyi hnyekon, ke ti monu a ga ic: anyin a wale momo ame ca thumeto e ge ke ûnyi ame ne ûhnyûkong ame ne gan ke ne o but hnyi lany hnyomakatu.