At Khet 2:18 - Iaai Bible 1901 (New Caledonia)

¹⁸ Ke oge me höciâ anyik ta je huliwa hia wale oge me ânyâ hmelen seûno: anyin a hamök he ka hna e ka at ame he ka hwöhwabök.

At Khet 2:18 ပူးပေါင်းရင်းမြစ်များ

Salamo 17:14

Iehova lö, omeli nya thö ûnyi ge tavat hnen hnyamâm, Ûnyi ge aten hmeledrany, tavat tren jekhoû hnyi möt ang, U je öunöngötâ je tang tidra ge tang omjehem: Adre sekudra but je lakudrin, Ke adre me hna kolon ge anyidrin ta je ûnyi ka lakudrin je mendring.

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Salamo 49:10

Anyin a e ame wâ a gʼ ame labö mokcu tavat ae metâ, Ke ame tha hia but at ae monu me at ae ba oûnykûminy, Me hna but je omjehedrin ka keihen,

At Khet 1:13

Ke oge me kong hnyekunâ he ka elâm me hnö a deny metâ, ta je ûnyi hia adre me ânyâ hnyi hmeledrany: e hmak hmonyin huliwa Khong ame ham ka lakon tavat he ka huliwan.

At Khet 1:3

Ieû troban ka at hnyi anyin ta je huliwa hia e ame mâdrâ hmelen seûno?

At Khet 2:11

Me oge me wâ ta je ûnyi hia ame ânyâ hnen li hnyamok, me ta je huliwa oge me huliwan he ka ânyâ; ke wâ bi, thatûnyi hia, ke ame han ang, ke ba troban hmelen seûno.

At Khet 2:21

Ke waleû at ame huliwa hnyi metâ, me wâhmakhmeto, me ti khana; ke so bi e ame he ka hna e ka at a ca hnyi huliwan bi me hnân weûhûneny. Wale minya thatûnyi, me monu ae gan hmâ.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 4:3

eke, ke hnahic hudru hia at ae tiga ca o, at ame tiga ca wâ huliwa ae kong adre me ânyâ hmelen seûnö.

At Khet 5:18

Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 9:9

Möt senyin dö tha u me âiâm u me hnyok kâu hnyi je bonginy ânyâm möt ae ûnyi baû: anyin a wale jekhom hnyi möt ang, me hnyi ânyâm huliwa u je huliwan hmelen seûno.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

I. Korinito 3:10

Oge hia but ip taben helâ me homakan hnyat op uma a at ae metâ, hoton ibetengiö baû anyin Khong adre me ham könya; ke haba ke at ame op goranyai hon.