At Khet 2:16 - Iaai Bible 1901 (New Caledonia)

¹⁶ Anyin adre me ca ûnykûme nyiele balua at ae metâ me at ae monu; anyin adre me he ka hnying hia hnyi je bong ame he ka o. Ekölö ame he ka mok at ae metâ helâ me at ae monu!

At Khet 2:16 ပူးပေါင်းရင်းမြစ်များ

II. Samuela 3:33

Ke than ame tengiö Abinera, me ha, ka habe, Hawa, e ûcû Abinera he ka mokcu helâ me imekiny at ae monu?

Salamo 103:16

Anyin ame tûâ e hnen ang, me ame hia ju e; Kʼ ame ca he hmetu hnen e ka wâhmakhmetoâ e.

Salamo 49:10

Anyin a e ame wâ a gʼ ame labö mokcu tavat ae metâ, Ke ame tha hia but at ae monu me at ae ba oûnykûminy, Me hna but je omjehedrin ka keihen,

Salamo 88:12

Hawa, adre me he ka wâ ânyâm ta je ûnyi hnân lâiâ hnyi menekolom? Me ânyâm wisa hnyi hnyei adre me hnying hnyin?

Esodo 1:6

Ke a mokcu Josefa me je liamekeiny mē hia, me dö hia eling.

Esodo 1:8

Ke a o thö ke thaniny Aigupito a teb ûnyi, at ae ca khana Josefa.

Ta je Vejec 14:8

Haba metâ anyin at e so, me wale he ka wâ ûnykûme deny gethen: Ke haba hwen monu anyin tavat ae monu, me wale tang iyawo.

At Khet 1:11

E ba hna ûnykûme hmetu je dö ehac; be haba khaca, ame ca he ka hu hna ûnykûme minya je dö ame he ka o, wale unyin tavat adre me he ka o nyiele.

At Khet 2:14

Haba at ae metâ me hu li emakan hnyi ban, ke ame he at ae monu hnyi menekholom: ke so bi oge me wâ a gʼ ame o khaca thibi ûnyi ka tavat hia.

At Khet 2:15

Ke haingök eû hnyi hnyekuk, ka habe, Haba ûnyi ame he ka o ka at ae monu, me ame he ka o minya könya; awe, hnân eû a iny metâ gan hmâ? Me oge me ha eû hnyi hnyekuk, ka habe, Wale minya ke thatûnyi.

At Khet 6:8

Anyin a ieû troban ka at ae metâ hon at ae monu? ie ûnyi anyin at ae theduoc at ae khana he ka he hnyi hnyimakan tavat ae möt?

At Khet 7:2

E so he ka he ka hnyi uma ödra ka tenge hnyin, hon he ka he ka hnyi uma ödra ka bijeû hnyin: anyin a wale obiny tavat hia; ke ame he at ae möt ka ûnykûme e eû hnyi hnyekon.

At Khet 8:10

Me oge me wâ minya tavat ae kong adre konâm, kʼ adre me o but ka hnyi erkemok; ke haba tavat adre hia but ânyâ so me adre me he but ûnyi hnyi dok ae kap, kʼ adre me hnying ödra hnyi taun: wale ke thatûnyi.

At Khet 9:15

ke adre me wâ ke aten e ae metâ ae theduoc, ke e ame omelo taun ge anyin metâ; ke ba at ame ûnykûme ka at eling ae theduoc.

At Khet 9:5

Anyin ae khana tavat ae möt a gʼ adre me he ka mok: ke ca khana bi tavat adre mokcu ke ûnyi, ke ba hmetu bi hwaban kodra; anyin adre hnying bi gadra.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Heberu 9:27

Adre me ip ka tavat he ka okhaca mok, ke hwaban e ûhnei;