At Khet 2:10 - Iaai Bible 1901 (New Caledonia)

¹⁰ Ke oge me ca behânâ ta je ûnyi hia ame bewâ hnen li emakök: oge me ca thawâ hnyekuk ûnyi hnyi ta je senyin hia, anyin ame senyin hnyekuk ge anyik ta je huliwa hia; ke wale troban anyik ta je huliwa hia.

At Khet 2:10 ပူးပေါင်းရင်းမြစ်များ

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Genese 6:2

ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra.

Jobu 31:1

OGE me ûhihinyköu me li emakök; Me oge ma kâmâu ka wâ hmâ hlu?

Salamo 119:37

Wia ju li emakök, me inye ca he ka wâ ûnyi ae ûnyi baû, Me omeli nya thö hnyi dem je gethen.

Salamo 128:2

U me he ka senyin me hnahic; Anyin a u me he ka an troban huliwa anyin li hnyamâm.

Ta je Vejec 23:5

Hawa, u me he ka wâ hmâ ûnyi ae ba önyen? Anyin a haba je omjeû, me ame labö bi labenyin, Helâ me aeto at ame gâ dranyai.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 2:1

HAINGÖK eû hnyi hnyekuk, ka habe, Awe, oge me he ka cubic u ge senyin; anyin a wale he thö vheno thö so: ke wâ bi, wale ke thatûnyi.

At Khet 2:22

Anyin a ieû ame hu ke at ge anyin ta je huliwa hia, me ivecin hnyekon, waleji e ame huliwa hnyin hmelen seûno?

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 5:10

Haba at ame hnyokâ sileva, me ame ca he ka sekon ge sileva; ke haba at ame hnyokâ omjeû ae se hia, me ame ca he bi ka sekon ge hna osehia: Wale ke thatûnyi.

At Khet 5:17

Ke haba khaca, e ame han hnyi bongon je bong hia hnyi menekholom, me vec hmonyin, me mok, me wathethot.

At Khet 5:18

Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 6:2

wale at hnen Khong hna ham omjeû kâu, me ta je ûnyi, me ogânâ, ke ca hia bi gan ke ûnyi e ame weny, ke so bi Khong ame ca hna but kâu man he ka han hnyin, ke ame han hnen atkanyua; wale thatûnyi me mok ae kong.

At Khet 6:9

E so hna wâ hnen li ecmak, hon ona weny hnen hnyok; wale ke thatûnyi, ke ame han ang.

At Khet 8:15

Me oge me haisoâ hna hobâ, anyin ae ba so ka at hmelen seûno, ke so bi adre me he ka han me ic me senyin: anyin a wale ûnyi ame he ka tha e me at hnyi anyin huliwa hnyi bongon ta je bong hia wale a ham kâu Khong hmelen seûnö.

At Khet 9:6

A tha hia but walang ang anyidra ibetengiö, me anyidra ûöhûköti, me anyidra hmonyin; ke adre me ca he hmetu ka hnyi hanen nyiele balua ke huliwa adre ânyâ hmelen seûnö.

At Khet 9:9

Möt senyin dö tha u me âiâm u me hnyok kâu hnyi je bonginy ânyâm möt ae ûnyi baû: anyin a wale jekhom hnyi möt ang, me hnyi ânyâm huliwa u je huliwan hmelen seûno.

I. Ioane 2:16

Anyin a haba ta je ûnyi hia thithö eang hmeledrany, wale behnyekon ta je ûnyi hnyi unyin, ke behnyekon hnen li ecmak, ke hobeluâ monoâ möt ang, me ca ûnyi ge Kamen, ke ûnyi eang hmeledrany.

Owisa 14:2

Ke a ame o me thumeto kamen me hinyen, ka habe, Oge wâ hnyi Timenatha ke hlu nokon at Filisiti: ke walang ang he thö ka hom me öiök.