At Khet 12:13 - Iaai Bible 1901 (New Caledonia)

¹³ Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

At Khet 12:13 ပူးပေါင်းရင်းမြစ်များ

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

I. Je Than 2:3

ke tuö je hanymâm ûnyi ga Iehova Khongom, he ka vheno deny je gethen, me tuö anyin je hna hûna, me anyin je hnanyibu, me hnen je hna owisa, me hnen je hna otilâ, helâji me hna sihnalimen hnyi tusi anyi Mose, mʼ u me hnahic hnyi ta je ûnyi hia u me he ka ânyâ, me ta je dok u me he ka he kâu:

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 145:19

E ame he ka ânyâ weny tavat adre me outen e; E ame he minya ka long hodra hwatenge me omeli odra.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 19:23

Haba ot kö Iehova, me wale hnân möt: Kʼ ame he ka laba sekon wale at ae hu e; Ame ca he hulo ka senâ e.

Ta je Vejec 23:17

Ca hna but hnyekom he ka behnyekon ge tavat ae kong: Ke outö Iehova ju hnyi je bong hia thibut.

At Khet 2:3

Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

At Khet 3:14

E khanö nya a haba hna ânyâ hnen Khong ame he ka e nyiele balua: adre me ca he ka bi hanen ka hnyin, ke adre me ca he ka ohia ûnyi hnyin: ke Khong ame ânyâ e me me ot at hnyi hnyimakan.

At Khet 5:7

Anyin ame he ka helâe can je bwi ae se hia, me je thatûnyi, me se hia je hofuc: ke u me he ka outen Khong.

At Khet 6:12

Anyin ae khanö ia ûnyi ae so ka at hnyi möt ang, hnyi ta je bonginy anyin möt ae ûnyi baû, ame möt hnyin helâ me hmenu? ke ie at ame he ka omanenâ ka at ûnyi ame he ka o hwaban e hmelen seûno?

At Khet 7:18

E so u ma kât ûnyi ang; eke, ca hom hmetu hnyamâm ûnyi hnyin: anyin a haba at ame outen Khong, me ame he ka o ûnyi hnyi je ûnyi e hia.

At Khet 8:12

Eja ke ne a ne khaca haded hna ânyâ hulo hnen at ae kong, kʼ adre osehia bongon je bong, ke so bi, oge me wâ but a gʼ ame he ka so ka tavat adre me outen Khong, a tavat ot hnyi hnyimakan:

At Khet 8:5

Haba at ame vheno hnanyibu, me ame ca he ka wâ ûnyi ae kong; ke haba hnyeûkon at ae metâ ame wâhmakhmeto ûen me hna owisa:

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Luka 1:50

E ame omanenâ anyin ibetengiö ka ke dö me ke dö, A hnyat adre me outen e.

Deuteronomi 10:12

Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 4:10

waleji hnyi bong u je tot hnyi hnyimakö Iehova Khongom hnyi Horeba, kʼ ame ha könya Iehova, ka habe, Ûkhacaköu thö könya tavat, mʼ adre me he ka löng hok je hofuc, me me khanʼ ödra he ka outö nya hnyi ta ogo bong bongon anyidra möt hnyi hnyei, mʼ adre me he ka ûnö ka lakudra.

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

I. Peteru 2:17

Ogânâ thö tavat hia thithö. Betenge ju ge hnyat me lakeiny. Ot ju ka Khong. Ogânâ thö than tot.

Hna Omanenâ 19:5

Me ame o but hofuc ûnyi hnyi theron, ka habe, Ogânâ thö Khonguta öbun je lathnyabainy, me tavat adre me outen e, tavat ae ûhnyûkong, me tavat ae gan.

I. Samuela 12:24

Ke hamöbun bi he ka outö Iehova, me bi athnyabainy hnyi hnathu me hnyekubun ae bekhöt: ke me ûnykûme thʼ öbun ta je ûnyi ae gan e ame hia but ânyâ hobi köbun.