At Khet 12:11 - Iaai Bible 1901 (New Caledonia)

¹¹ Haba je hofuc hwan at ae metâ, me helâ me ûnyi hnân dö bolok, ke haba ta je hofuc hwan je homakan ta je ûkhacaköu, me helâ me je fao adre me ti ohmâ, a ham ge at a khaca a at tuö mamoe.

At Khet 12:11 ပူးပေါင်းရင်းမြစ်များ

Genese 49:24

Ke hwege balua anyin cafana, Kʼ adre ohwegiâ li hnyamen me li benyin, Unyi ge li hnyamen thani Jekob, (Ûheny e at tuö mamoe, wale veto anyi Isaraela,)

Ezera 9:8

Ke walang ang e okhulit thibi ûen ae hu gahmun betenge ûnyi ga Iehova Khonguhmun, he ka bi kolon kohmun möhmun e möt, me ham kohmun ke fao hnyi anyin dok ae kap, me me he Khonguhmun ka omelamâ je emaköhmun, me ham kohmun ûhomeli ae ûhnyûkong kohmun a je bâ.

Salamo 23:1

HABA Iehova at ame tuö helâ me at tuö mamoe, ame ca he ka ba ta ûnyi gak.

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Ta je Vejec 1:6

Me me wâhmakhmetoâ vejec me ûhöûcû; A ta je hofuc hwan tavat ae metâ, me hodra ta je hofuc ae vhet.

Ta je Vejec 10:21

Haba li esongodiny at ae wisa me ame hān tavat ae se: Ke a mok ut tavat ae monu anyin ae ba hnyekudra.

Ta je Vejec 22:17

Tevehlöng ju, ke long ju hofuc hwan at ae metâ, Me hnyok ju ka hnok hna wâhmakhmeto.

At Khet 10:12

Haba je hofuc hwan hnyimen at ae metâ, me wale tang betenge; ke haba li esongodiny at ae monu me ame he ka utâ e bi.

At Khet 7:5

E so he ka long ûthaö hnen at ae metâ, hon he ka long khumöng anyin tavat ae monu.

Isaia 22:23

Ke oge me he ka ohmâ e helâ me fao hnyi dok ae hwege; ke e ame he ka hnân theron ae hmanenang hnyi lap anyin kamen.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Jeremia 23:29

Hawa, e ûcû hok hofuc me meic? haingö Iehova, ke helâ me hama at ame kot omomono kic?

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Ioane 10:14

Inya ang at ame tuö wia ta je mamoe; ke oge me wâhmakhmetoâ halek ta je mamoe, kʼ ame wâhmakhmetu nya minya hnen halek,

Ioane 3:10

Haba Iesu ame thu kâu, ka habe, Hawa, u at ûne hnyi Isaraela, ke u me ca wâ ûnykûme bi e?

Ta je huliwa 2:37

Adre me long e, me ame dâ but je hnyekudra, me adre me ha kö Peteru me ta je aposetolo, ka habe, Hnyat me lakeiny lo, ieû hanymöhmun he ka ânyâ?

II. Korinito 10:4

(Anyin a haba omjehen anyihmun vat me ca hwen unyin bi, ke hwege maniny hnyi hnyimakan Khong hnân hagutâ je hnabâ ae hwege);

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.