At Khet 12:1 - Iaai Bible 1901 (New Caledonia)

¹ KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

At Khet 12:1 ပူးပေါင်းရင်းမြစ်များ

Genese 39:2

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

Genese 39:23

Ke ame ca wâ tuhan uma ceat ke ûnyi unyin, anyin a tha Iehova me, ke Iehova ame ohnahicâ hnen hna ânyâ.

II. Samuela 19:35

Eite but je hunaik hnyi bong ang: hawa, e khanö nya he ka wâhmakhmeto so me kong? ke khanö nya athnyabeam be ka drem ûnyi oge me han me ic? ke khanö nya long hmetu hwan khumöng anyin obaga me omomo? ke hnân eû oge me he a athnyabaem ka hmak ka tuhok?

II. Samuela 19:36

E na omi hanyâûâ Joridano athnyabaen me than: ke hnân eû ame he than ka bi hwaban könya ge hwaban a helâe?

I. Je Than 14:13

Ke ame he ka tenge gan Isaraela hia, me konâm e; anyin a e thibi hanö Jeroboama ame he ka o ka hnyi erkemok: anyin adre wâ unyin ûnyi ae so kö Iehova Khongu Isaraela hnyi lap anyi Jeroboama.

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Jobu 30:2

Eke, ewa troban könya ûnyi hnyi tang hwegien je hnyamödrin? Ame hia but je hmaidrin.

Salamo 119:55

Iehova lö, oge hia but ûnykûme iâm hnyi hnyinghet, Me tuö ânyâm hnanyibu.

Salamo 34:11

Ai öbun je wanakat, ling nya ju: Me oge me he ka nʼ öbun ge bongon he ka outö Iehova.

Salamo 63:6

Iny ka ûnykûmi u hon hnok hna mokut, Me wâ ûnykûme gam hnyi je hmak hnyi hnyinghet.

Salamo 90:10

Haba ta je bonginy ta je hunaihmun, me sevente ta je huna, Kʼ ame ne eite ta je huna, e ka hwege at; Ke so bi e huliwa me hlöuhlöu hmanenangidra; Anyin a ame ie hia but, me ohmun e did ut.

Ta je Vejec 22:6

Nâ thö wanakat hnyi deny ae ûcû, Ke e ka hingat ut, me ame ca he bi ka sâû ûnyi hnyin.

Ta je Vejec 8:17

Inya oge me betenge gadra adre me hnyok könya; Kʼ adre me he ka ō nya tavat adre me elâm hwegiö nya.

At Khet 11:10

Anyin a wale, degec ut vec ûnyi hnyi hnyekom, ke ûsâkâûö but me hulo: anyin ae thatûnyi ûen wanakat me hmai.

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

At Khet 11:8

Eke, ame ne möt at, me se hia ta je hunainy, me so e ame senyinâ hia; ke so bi e so e ame ûnykûme je bong ae menekholom, anyin ame he ka se hia. Thatûnyi ta je ûnyi hia ame o.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Je tenge anyi Jeremi 3:27

E so ka at he ha hijen hna ûhûkâlâköuâ ke tiga ûhnyûkong.

Daniela 1:17

Ke haba je hidröu eling a vak, me Khong ame ham ködrin wâhmakhmeto me wâûnykûme hnyi je ûne me metâ hia: ke haba Daniela ame metâ hnyi je hna omanenâ hia me ta je bwi.

Hosea 7:9

A hia but ohia hwegien hnen je atkanyua, ke ca khana bi: eke, ûsa khaca but tehûen, ke ca khana bi.

Luka 1:15

Anyin a e ame he ka gan hnyi hnyimakan Than, e ame ca he ka ijem waina me grâg; ke e ame he ka unöngöt ge Hanu Kap ûnyi hnyi hnyekon hinyen.

Luka 18:16

Ke haba Iesu ame hawʼ ödra kâu, me ha, ka habe, Hna but ta je wanakat ka he jem könya, ke ca thawʼ ödra bi: anyin a ödra ûcû me dokhu dokhon Khong.

Efeso 6:4

Ke haba öbun je kamen, ca okûâ bi hmonyin ka je lakubun: ke so bi he ka hat ödra hnyi hna nʼ ödra, me hna ûne ködra hnen Than.

Deuteronomi 8:18

Ke so u ma ûnykûme ko Iehova Khongom, anyin a e at ame ham köu tang hwege he ka hu tang omjeû; me me ohmâ anyin ûhihinyköu waleji e ame khemanyin ka je lakâmâm, helâ me hnyi bong ang.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

I. Samuela 1:28

Anyin a wale oge hia but hna minya e kö Iehova; adre hna kö Iehova hnyi ta je bonginy hia anyin möt. Me e ame khudrung kö Iehova eling.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.

I. Samuela 2:26

Ke ame gan tot wanakat Samuela, ke ame betenge gan Iehova, me tavat minya.