At Khet 11:9 - Iaai Bible 1901 (New Caledonia)

⁹ Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 11:9 ပူးပေါင်းရင်းမြစ်များ

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

Genese 6:2

ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra.

I. Je Than 18:12

Ke oge me ne he eâu ka he gam, me ame he Hanu Iehova ka hum u ka hnyi dok ae ca khanö nya; ke iny ka he but me thumetu Ahaba, ke e ame ca ō u, me e ame he bi ka hlingö nya: ke inya athnyabaem oge me outö Iehova hwân kʼ iny tiga wanakat.

I. Je Than 18:27

Ke haba hnyi jebigö Elia ame hlumʼ ödrin me ha ködrin, ka habe, Hongot hwege thö: anyin a e khong; ame ne hu ûnykûmânen e, ke ame ne saû, ke ame ne he but, ke ame ne mokut, me so he ka ohmâkâ.

I. Je Than 22:15

Kʼ ame o but ka than, me haingen than kâu, ka habe, Mikaia lö, hawa, ohmu ma he Ramothe-gileada ai he ka vat, ke ohmu ma hna ju? Haingen kâu, ka habe, He thö me hnahic; ke ame he Iehova ka hna e ka hnyi hnyamen than.

Jobu 31:7

Ame ne hia but saû li cak ûnyi hnyi gethen, Kʼ ame ne hnu hoton li emakök hnen hnyekuk, Kʼ ame ne kece ong hnyikongon ka hnyi li hnyamok:

Salamo 81:12

Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra.

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

At Khet 2:10

Ke oge me ca behânâ ta je ûnyi hia ame bewâ hnen li emakök: oge me ca thawâ hnyekuk ûnyi hnyi ta je senyin hia, anyin ame senyin hnyekuk ge anyik ta je huliwa hia; ke wale troban anyik ta je huliwa hia.

At Khet 3:12

E khanö nya ae ba soidra, hon he ka senyin, me ânyâ so, ödra ka tiga möt.

At Khet 3:17

Haingök hnyi hnyekuk, ka habe, Hamen Khong he ka owisa ka at ae wisa me at ae kong: anyin ae hu ûen ta je ûnyi hia me ta je huliwa hia.

At Khet 6:9

E so hna wâ hnen li ecmak, hon ona weny hnen hnyok; wale ke thatûnyi, ke ame han ang.

At Khet 7:14

Senyin dö hnyi bong sot, ke ûnykûme ju hnyi bonginy vec: Khong ame ânyâ khaca me me ûcon khaca, me me ca he bi at ka wâ ta je ûnyi ame he ka o hwaban e.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Je tenge anyi Jeremi 3:27

E so ka at he ha hijen hna ûhûkâlâköuâ ke tiga ûhnyûkong.

Numera 15:30

Ke haba at ame ânyâ sheshamökâ ke ûnyi, ame ne aten hnyei ame ne atkanyua, me wale at ame bi gan kö Iehova; ke adre me he ka subâ degecâ at eling ûnyi hnyi iny hnyei.

Numera 15:39

ke wale bâbuen köbun, mʼ öbun e he ka wâ e me ûnykûme ta je hnanyibu anyi Iehova hia, me vheno; mʼ öbun e ca he monu hoton je hnyekubun me je li emaköbun, waleji öbun e labö bi ûnyi monu hoton:

Numera 22:32

Ke haba angela anyi Iehova ame ha kâu ka habe, Ieû gam u me okun kot halem asina? wâ bi, oge me he jem he ka ovheli u, anyin ae kong könya ûhem:

Mataio 5:28

ke inya bi oge me ha köbun, ka habe, haba at ame wâ hmâ âiân ke at me behnyekon e, me a hia but bi ûnyi monu mē eû hnyi hnyekon.

Luka 12:19

Mʼ oge me he ka ha ka hanuk, ka habe, Hanuk lö, e se hia ta je ûnyi adre ûkhöûnâ hobi köu hnân ta je huna ae se; ö u menâ, han me ic me senyin.

Ta je huliwa 14:16

at ame hna ta je hnyei hia ehac he ka vheno dedra ta je gethen.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 14:10

Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

Heberu 9:27

Adre me ip ka tavat he ka okhaca mok, ke hwaban e ûhnei;

Josua 7:21

haba hnyi ûen oge me wâ ûnyi hnyi je ûnyi adre hûgûnâ ke ûkhaûiny Sinara ae so, ke lo li haded je sekel sileva, ke ong gol a fifte je sekel, me oge me behnyekon me hom ta je ûnyi e; ke wâ bi adre ikhâlâ hnyi wanben umök uma mano hnyi kânâ, ke eû hmelen e je sileva.

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.