At Khet 11:2 - Iaai Bible 1901 (New Caledonia)

² Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

At Khet 11:2 ပူးပေါင်းရင်းမြစ်များ

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Esetera 9:19

Anyin a wale haba at Juda hnyi je taun ae ûhnyûkong, tavat adre me laba hnyi je taun ae ba haginy, adre me wia bong a fotininy tehi Adara hnân bong senyin me bijeû, me bong ae so, me hnân ûhamköuâ je jekhöû.

Esetera 9:22

wale li bong waleji hnen at Juda hna menâ ge je iwahnaihmiony mödrin, me tehi waleji adre me wia hmutu ködrin ûheny hnyi hna hmak hnyekon, me me senyin bi, ke ûheny hnyi hna tenge, me me bong bi ae so; mʼ adre me he ka ânyâ hnân li bong bijeû me senyin, me hnân ûhamköuâ je jekhoû, me ham je bwihlany ka tavat ae theduoc.

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

Ta je Vejec 19:17

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.

Ta je Vejec 6:16

Walang ta je ûnyi a siks ame ikiki gan Iehova; Eke, e hu seven e ame hmiân, ka habe,

At Khet 11:3

Ame ne unöngöt je ûlâ ge we, me ame ta we ka hnyi hon kânâ: ke ame ne ta ûö, ame ne ka hnyi hwaiöu, ame ne ka hnyi hwadro, haba hna ta hnen ûö, me ame he ka mokut hnyi dok eling.

At Khet 11:8

Eke, ame ne möt at, me se hia ta je hunainy, me so e ame senyinâ hia; ke so bi e so e ame ûnykûme je bong ae menekholom, anyin ame he ka se hia. Thatûnyi ta je ûnyi hia ame o.

At Khet 12:1

KE ûnykûme ju At a up u hnyi je bonginy ânyâm hidröu, e tiga ca o ta je bong ae kong, me tiga ca hakekeny bi ta je huna wale u me he ka ha hnyin, ka habe, O ge me ca senyinâ hmetu e;

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Mataio 18:22

Haba Iesu ame ha kâu, ka habe, Oge me ca ha köu, ka habe, Ame he ka o hnyi seven; ke so bi, Ke ne o but ka hnyi sevente je seven.

Mataio 5:42

Ham but ka at ame sumatö u, ke ca hotom bi ka at ame mē sumatö ûnyi gam.

Luka 17:4

Ke ame ne he ka oseven monu köu hnyi bong a khaca, kʼ ame oseven hwio köu me ha, ka habe, Oge me ietra; me u me he ka hna degecâ anyin monu.

Galatia 6:1

HNYAT me lakeiny lö, eja ke ne a ne hom uthmâhmâ ke at hnyi hna hanyâûâ, hamöbun tavat hnyi hanu he ka kap hmetu at a helâe hnyi hnyok ae menyik; ke wâ wiö u bi, wâ e nye cubic u minya bi.

Efeso 5:16

ke oûnyihnathoâ ta je ûen, anyin ae kong ta je bong.

Heberu 13:3

Unykûme ju öbun tavat adre me cʼ ödra, helâke adre tha cʼ öbun mʼ ödra; ûnykûme ju tavat adre me ovecâ, anyin a tiga öbun minya hnyi unyin.

I. Samuela 25:8

Hnö thö ânyâm je hidröu, me ödrin e ho ka thumetu u: anyin a wale e so u me betenge ge je hidröu; anyin a öhmun e o but hnyi bong ae so: ö u ham dö je ûnyi ae hu gam ka athnyabaem me nokom a Davita.