At Khet 11:1 - Iaai Bible 1901 (New Caledonia)

¹ KHÛÂ but ânyâm areto ka hnyi hon du: anyin a u me he ka wâ hmetu hwaban je bong ae se hia.

At Khet 11:1 ပူးပေါင်းရင်းမြစ်များ

II. Samuela 17:29

me hani, me bata, me mamoe, me fromaginy kau, hobi kö Davita me tavat unyin, hnân han: anyin a haingödrin, ka habe, E mekihnânem, me sēnyin, me beic tavat hnyi hnyebuba.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Ta je Vejec 19:17

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.

Ta je Vejec 22:9

Ame he ka hnahic at ae hu li ecmak ae so; Anyin a e ame he ka han at ae theduoc.

At Khet 11:6

Hnyi hnyomakatu tâ ju hatungâm je hatong, ke hnyi sahac ca thawâ li hnyamâm: anyin ae ca khanö u ûnyi ame he ka kû, ame ne eang ame ne e, ke ame ne he ka tha so hia.

At Khet 3:6

ûen hlo, me ûen okolo; ûen tuö, me ûen degec;

Isaia 32:20

Hnobun hnahic tavat öbun e te hwit hnyi baten ta je köiö hia, me hna je can ta je bolok me asina.

Isaia 32:8

Ke haba at betenge e ame elâm deny betenge, ke e ame he ka tethmâ ûnyi ge hwakecin betenge.

Levitiko 19:25

Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.

Mataio 10:13

Ke a ne so uma eling, e so e ame ta but hon, hnobun hna ha hnahicâ e: ke a ne ca so bi, e so he ka hmetu köbun hnobun hna ha hnahicâ.

Mataio 10:42

Ke haba at ame he ka habelen at ae ûhnyûkong eang ge utköiö ae katebu thibi, hnyi ien at ûling, e hnatho inya oge me ha köbun, ka habe, ame ca he ka hia hwaban hobi kâu.

Mataio 25:17

Ke helâe me at a kap lo, e ame ûcû hanen ke lo hmetu.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

II. Korinito 9:6

Ke wale minya eang, haba at ame tā ûhnyûkongoâ, me ûhnyûkong minya hnen hna meno; ke haba at ame tā gânâ, me gan minya hnen hna he ka meno.

Heberu 6:10

anyin a ca hwakecin ae ca wisa Khong, me me he ka hnying anyibun huliwa, me ibetengiö öbun e omanenâ ka hnyi ien, wale hnyi hnobun hna bi athnyabainy wakap, me labö bi athnyabaidra.