At Khet 10:8 - Iaai Bible 1901 (New Caledonia)

⁸ Haba at ame hiny thop, me ame he ka kolu ka hnyin; ke haba at ame thu bak me ame he ka oloû on.

At Khet 10:8 ပူးပေါင်းရင်းမြစ်များ

II. Samuela 17:23

Ke a wâ but Ahithofela a gʼ adre ca ânyâ hoton hnen hna ha, me e ame ip taben hon haleny asina, me todrö, me he ka hnyi umen uma, hnyi anyin taan me hûna ka anyin lap, me hnok; me e ame mokcu, me adre me konâm e hnyi erkemok anyin kamen.

II. Samuela 18:15

Ke ten je hidröu ödrin e hom tilâ je ûnyi vat anyi Joab ödrin e tot igigilo me hlingö Abasoloma.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Salamo 57:6

Adre hia but penapena hnewe hobi kâu li cak; Ame hlec hnyikânâi hanuk: Adre hia but hiny thop hnyi hnyimakök; Adre me ka ta hmetu but eû hnyi hnyin e. [Sela.

Ta je Vejec 11:6

Ame he hwakecin ae ba hnyikongon anyin tavat ae wisa ka omeli ödra: Kʼ ame he ka hnok tavat adre me ânyâ iyawâ hnen hwakecidra ae hwali.

Ta je Vejec 26:27

Haba at ame hiny thop me ame he ka ta kâû ka hnyin: Ke haba at tetebulo veto, me ame ka tetebulo hmetu bi kâu.

At Khet 10:9

Haba at ame thu veto me ame he ka kong hnen e; ke haba at ame khû uto, me ame he ka aat kâu.

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.

Amosa 9:3

Eja ke ne adre ne lubaduöng ethö hon Karemela, oge me he ka elâm me lili ödrin ûheny e; eja ke ne ödrin e ne oiyongi ödra ge li emakök eû hnyi hmelen köiö, oge me he ka kunâ on he ka ûlû ödra eling,

Owisa 9:5

Me e ame he ka hnyi uma umen kamen hnyi Ofera, me hlingâ je liamekeiny mē a laku Jerubaala a sevente, hon veto a khaca: ke kolon thiju Jotham noku Jerubaala a wakeiat; anyin a e ame lubaduöng.