At Khet 10:19 - Iaai Bible 1901 (New Caledonia)

¹⁹ Adre ânyâ bijeû hnân hnyi hluma, ke waina ame osenyinâ möt: ke ûcû ta je ûnyi hia ka mone.

At Khet 10:19 ပူးပေါင်းရင်းမြစ်များ

Genese 43:34

Ke e ame kunâ ködrin ta je tap jeû ûnyi gan: ke gan hmâ hna haö Beniamina hudrin a othabûng. Kʼ ödrin e ic me tha senyin më.

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

I. Man Ûlabainy Je Than. 21:24

Ke haingö Davita than kö Aruna, ka habe, Ohe; ke so bi oge me he ka ûco e hw ban mone ae ûcû: anyin a oge me ca he ka hom ânyâm ta je ûnyi hobi kö Iehova, ke oge me ca he ka hudo hudiny leû ae ba hwaban.

Ezera 1:6

Ke haba hnyat hia a igigilo, me, ödrin e hadruʼ ödrin ge je kaia sileva, me gol, me omjeû, me omeno, me je ûnyi ae ûnyi hnathu, ke ca ha bi je bwihlany hia adre me ham hnyi betenge.

Nehemia 5:8

Me oge me ha ködrin, ka habe, Öhmun e ûco hmetu je liamekeiny möhmun a at Juda, tavat adre ûco ka aten ke je hnyei, hoton hnöhmun hna hu; hawa, öbun e ka he bi ka ûco je liamekeiny möbun, ke adre me he ka ûcû ödrin kohmun? Me ödrin e laba hnyibû, me ca wâ ke ûnyi hnân thu.

Esetera 1:10

Ke haba hnyi bong a seveniny, kʼ ame senyin hnyekon than ge waina, me e ame ha ko Meuman, me Bizetha, me Harebona, me Bigetha, me Abagatha, me Zethar, me Karekas je eunuka a seven, hnyat ödrin e huliwa hnyi hnyimakö Asueru than,

Salamo 104:15

Me waina minya hnân osenyinâ hnyekon at, Me wakaco hnân hmanâ hnyimakan, Me jeû hnân sihwegiâ hnyekon at.

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

At Khet 2:3

Oge me ûnykûme eû hnyi hnyekuk he ka osenyinâ unyik ge waina, ke ame tiga lelö hnyekuk hnen metâ, me he ka kât hmâ hwen monu, mʼ oge me he ka wâ ûnyi ae so ka tavat he ka ânyâ hnyi hmeledrany hnyi ta je bonginy anyidra möt.

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Isaia 23:18

Ke ame he ka hwakecin ae kap kö Iehova ta je ûnyi gan hnân ûco me hnen hna hok hwaban: adre me ca he ka ip me ûkhöûnâ; anyin a hobi kâu tavat adre me laba hnyi hnyimakö Iehova ta je ûnyi hnân ûcö gan, he ka han sekon, me ûkhaû ae nâk.

Isaia 24:11

Adre me tenge eû hnyi gethen can waina; e lit ut senyin hia, e hia but hobâ anyin tavat.

Mataio 17:27

Ke so bi wâ otin nye osauʼ ödra, he thö hnyiköiöai, me khûâ but wage, me lelö thö wâ a bân ka wadring ka hnyin; ke u ka hia but khong hnyimen, u me he ka wâ khaca sekel: hom dö e, me ham ködrin hnân hobi köu mʼ önya.

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Luka 12:19

Mʼ oge me he ka ha ka hanuk, ka habe, Hanuk lö, e se hia ta je ûnyi adre ûkhöûnâ hobi köu hnân ta je huna ae se; ö u menâ, han me ic me senyin.

Luka 16:9

Ke inya oge me ha köbun, ka habe, Bi hanöbun unyin mamona ae ca wisa; me me ka o obiny, me adre me he ka kop öbun ka hnyi umödra ta je uma a nyiele balua.

Luka 8:3

me Joana öiö Khuza, at ame tuö hnyaban Heroda, me Susana, me keihen minya ae se hia, hnyat adre me haomjehen ûnyi hnyi anyidra ta je ûnyi.

Ta je huliwa 11:29

Haba laten adre me tha ha he ka kunâ ta je bwihlany ka je liamekeiny adre me laba hnyi Juda, e ûcû me hnödra hna ve khana:

Ta je huliwa 2:45

ke adre me ve ûco idra ta hnyei, ke ta je omjehedra, me ve khenâ oûco ka tavat hia ae theduoc.

I. Peteru 4:3

Ame ne soju hna ânyâ weny Aten ke je hnyei, hnyi je ûen a hia but, waleji adre me vheno wagelue, me je weny ae kong, me hwen hmiâ waina, me mede, me ta je bijeû ae kong, me hmi ka ta je hnatheat ae ikiki:

Owisa 14:10

Ke ame he but kamen ka momo; ke haba Samasona ame ânyâ ke bijeû eling; anyin ame labö ânyâ helâe ta je hidröu.

Owisa 9:13

Ke haingen vine ködra, ka habe, Hawa, oge me he ka hna degecâ anyik waina, at ame osenyinâ Khong me at, me he he ka hnyihnyikö hon ta je ûö?

I. Samuela 25:36

Ke Abigaila ame o kö Nabala, ke wâ bi, e ame ânyâ bijeû hnyi umen uma, helâ me bijeû anyin than; ke Nabala ame senyin hnyi hnyekon, ke ti monu a ga ic: anyin a wale momo ame ca thumeto e ge ke ûnyi ame ne ûhnyûkong ame ne gan ke ne o but hnyi lany hnyomakatu.