At Khet 10:14 - Iaai Bible 1901 (New Caledonia)

¹⁴ Haba at ae monu e ame osehia hwan je hofuc: ke so bi e ca khana at ûnyi ame he ka o; ke ie at ame he ka omanenâ kâu ta je ûnyi ame he ka o hwaban?

At Khet 10:14 ပူးပေါင်းရင်းမြစ်များ

Jobu 34:37

Anyin a e ame bi hanen bi gan ka anyin hulo, E ame khaû li hnyamen unyihmun, Me osehia hwan je hofuc ka Khong.

Jobu 35:16

Anyin a wale, haba Jobu ame fuc baû: E ame osehia je hofuc ke ba wâhmakhmeto.

Ta je Vejec 10:19

E ka se hia hofuc, me ca ba hulo: Ke metâ at ame noc bohmen.

Ta je Vejec 15:2

Haba bohmen at ae metâ me ame ha wisa ge wâhmakhmeto: Ke haba hnyimen tavat ae monu, me ame hingâlâ hwen monu.

At Khet 10:15

Haba huliwa anyin tavat ae monu, me ame osenyini ödra hia, anyin adre me ca wâ bi gethen ka he ka hnyi taun.

At Khet 3:22

Anyin a wale oge me wâ but ae ba soiny at ae nua hon he ka senyinâ anyin ta je huliwa; anyin a wale jekhon: anyin a ie at ame he ka hom hmetu e, me me wâ ta je ûnyi hwaban?

At Khet 5:3

Anyin ame kû bwi hnen ta je huliwa ae se hia; me ifucin at ae monu hnen ta je hofuc ae se hia.

At Khet 6:12

Anyin ae khanö ia ûnyi ae so ka at hnyi möt ang, hnyi ta je bonginy anyin möt ae ûnyi baû, ame möt hnyin helâ me hmenu? ke ie at ame he ka omanenâ ka at ûnyi ame he ka o hwaban e hmelen seûno?

At Khet 7:14

Senyin dö hnyi bong sot, ke ûnykûme ju hnyi bonginy vec: Khong ame ânyâ khaca me me ûcon khaca, me me ca he bi at ka wâ ta je ûnyi ame he ka o hwaban e.

At Khet 8:7

anyin ae ca khana ûnyi ame he ka o; ke ie at ame he ka omanenâ kâu ge ûen ame he ka o?

At Khet 9:1

OGE me ûnykûme ta je ûnyi eling eû hnyi hnyekuk, he ka wâ wia ta je ûnyi e; a haba tavat ae wisa ke tavat ae metâ, ke anyidra ta je huliwa, me wale hnyi hnyamen Khong: ame ne ibetengiö, ame ne ûöhûköti, e ca khana tavat: e hnyi hnyimakodra ta je ûnyi e.

Ezekiela 35:13

Ke öbun e hia but bi gan könya ge je hnyimöbun, me osehia hobun je hofuc könya: oge me long ut.