At Khet 10:12 - Iaai Bible 1901 (New Caledonia)

¹² Haba je hofuc hwan hnyimen at ae metâ, me wale tang betenge; ke haba li esongodiny at ae monu me ame he ka utâ e bi.

At Khet 10:12 ပူးပေါင်းရင်းမြစ်များ

II. Samuela 1:16

Ke Davita ame ha kau, ka habe, Ame he drâm ka mokut bi ka hnyi hon bâm; anyin a u je haiö u bi ge hnyimâm, ka habe, Oge me hia but hlingâ at Iehova ame hû.

Jobu 16:5

Ke so bi oge me he ka ha hwegi öbun ge hnyimök, Me otubweli öbun ge hofuc betenge anyin li esongodik.

Salamo 140:9

Haba je hodra adre me igigili nya, Me so ame tubi ödra ge ûokongunyin je esongodidra.

Salamo 37:30

Haba hnyimen at ae wisa me ame ûsabö metâ, Kʼ ame fuc bohmen ge hna owisa.

Salamo 64:8

Helâe adre me he ka ta, ke e kong bi je bohmödra bi kodra. Adre me he tavat hia adre me ö ʼdra ka nyinyikâ je bödra.

Ta je Vejec 10:10

Haba at ame ûatmemakö, me ame okûâ vec: Kʼ ame he ka ta at ae monu ifucin.

Ta je Vejec 10:8

Ame he at ame hnyok metâ ka kap ta je hnanyibu: Kʼ ame he ka ta at ae monu ifucin.

Ta je Vejec 12:18

E hu tavat adre me ie fuc, helâke adre dâ ge hele vat: Ke haba bohmen at ae metâ, me hnân ometo.

Ta je Vejec 15:2

Haba bohmen at ae metâ me ame ha wisa ge wâhmakhmeto: Ke haba hnyimen tavat ae monu, me ame hingâlâ hwen monu.

Ta je Vejec 15:23

Ame senyin at ge hna thu hnen hnyi men: Shaiba ge soiny hofuc adre me ha hnyi ûen ae ûcû!

Ta je Vejec 19:5

Ame ca he ka ba hwaban ka at ame sit hofuc thoi: Kʼ ame ca he bi ka so at ame ha thoi.

Ta je Vejec 22:11

Haba at ame weny hnyok ae alai, Me ame he ka ihuminy than, can ibetengiö anyin li esongodiny.

Ta je Vejec 26:9

Helâ me makjöngöc ame dit hnyi hnyamen at ie monu, Helâe vejec hnyi hnyimen at ae monu.

Ta je Vejec 31:26

E momo ame ha metâ; Ke e hnyi bohmen hnanyibuiny ibetengiö.

At Khet 12:11

Haba je hofuc hwan at ae metâ, me helâ me ûnyi hnân dö bolok, ke haba ta je hofuc hwan je homakan ta je ûkhacaköu, me helâ me je fao adre me ti ohmâ, a ham ge at a khaca a at tuö mamoe.

At Khet 4:5

At ae monu ame hûkâlâ li hnyamen, me ka an bi viny.

At Khet 5:2

Ca he ka logot hnyimâm, ke ca he ka logot hnyekom, he ka ha ke hofuc hnyi hnyimakan Khong; anyin a ethö Khong hnyi drany, ke u ang hmeledrany: anyin a wale e so e wakhalet hwâm je hofuc.

At Khet 5:6

Ca hna hnyimâm he ka bijoniny unyâm; ke ca ha bi hnyi hnyimakan angela, ka habe, e monu e: anyin a ieû ame he Khong ka hmonyin ge ifucâm, me ohiâ huliwa anyin li hnyâmâm?

At Khet 9:17

Adre me long hofuc ae menyik hwan tavat ae metâ, hon hna ha hwegiâ hnen at ame musi unyin tavat ae monu.

Mataio 12:35

Haba at ae so ame hom but ta je ûnyi ae so ûnyi hnyi tang omjehen ae so; ke haba at ae kong ame hom but ta je ûnyi ae kong ûnyi hnyi tang omjehen ae kong.

Luka 19:22

Ke e ame ha kâu, ka habe, U athnyaba ae monu lö, ûnyi hnyi hnyimâm oge me he ka hangö u. E khanö u a iny at û, me hom but ûnyi oge ca ip, me meno hnok hna ca tā;

Luka 4:22

Me: haba ödra hia adre me haisoâ e, kʼ adre me lâiâ ta je ifucin ae so ame khulu but ûnyi hnyi hnyimen: haingödra, ka habe, Hawa, ca nöku Josefa at ang?

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.