At Khet 1:6 - Iaai Bible 1901 (New Caledonia)

⁶ Ame he ang ka hnyi hwaiöu me hwio ka hnyi hwadro; kʼ ame hwihwiö monu hnyi deny gethen, kʼ ame he hmetu ang bi ka hnyi deny gethen e igigilo.

At Khet 1:6 ပူးပေါင်းရင်းမြစ်များ

Jobu 37:17

A kâmâu ka mage ânyâm je ûkhaû. Hnyi ûen ame ta hau hon hmeledrany can ang hnyi hwaiöu?

Jobu 37:9

Ame o but höu ûheny hnyi hwaiöu, Me megic ûheny hnyi hwadro.

Salamo 107:25

Anyin a e ame hûna, me okûâ ang ae hwege, Wale ame vhik dö ta je waköiö.

Salamo 107:29

E ame wia thö weneû me me ta but hau, Me ame hnyibi ju ta je waköiö.

At Khet 1:7

Ame hingâlâ ta je di ka hnyi köiö ae gan, ke so bi ame ca unöngöt bi köiö; ke haba dok ame hingâlâ je wagewe hnyin, me wale thibi e dok ame hmetu ka hnyin.

At Khet 11:5

E ca khanö u gethen deny ang, me ûkûen ta je jö hnyi hnyekon momo ae erkin; helâe e ca khanö u ta je huliwa anyin Khong at ame ânyâ hia.

Jona 1:4

Ke haba Iehova ame kunâ ang ae gan ka hnyi köiö, me ame o but weneû ae gan hmâ hnyi köiö, ke a ne hmouca thö hu.

Mataio 7:24

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic:

Mataio 7:27

ke ame ta but we, me o but di, ke hwege but ang, me kot uma e; me ame û but: ke gan hmâ ûtainy uma e.

Ioane 3:8

Ame si thö ang a ka hamen weny, u je long ut a gʼ ame hmuhmu, ke ca khanö u ûheny ua, kʼ ame he kâ: helâe tavat hia adre me hnokoâ ûnyi hnyi Hanu.