At Khet 1:2 - Iaai Bible 1901 (New Caledonia)

² Haingen at Khet, ka habe, E ti thatûnyi e ti thatûnyi ta je ûnyi hia.

At Khet 1:2 ပူးပေါင်းရင်းမြစ်များ

Jobu 11:12

Ke e ca hu metâ ge at ae hop, Eke, adre hnokoâ at helâ me nokon asinainy hnyot.

Salamo 144:4

E ûcû at me ûnyi ae ûnyi baû: Ke bonginy ta je bong e ûcû me hmenu ame hia but.

Salamo 89:47

Ö u ûnykûme ju ae okhulit bonguk ta je bong: Ieû gam u je hia but op gufa lakon tavat hia thithö!

At Khet 11:10

Anyin a wale, degec ut vec ûnyi hnyi hnyekom, ke ûsâkâûö but me hulo: anyin ae thatûnyi ûen wanakat me hmai.

At Khet 11:8

Eke, ame ne möt at, me se hia ta je hunainy, me so e ame senyinâ hia; ke so bi e so e ame ûnykûme je bong ae menekholom, anyin ame he ka se hia. Thatûnyi ta je ûnyi hia ame o.

At Khet 12:8

Awe, haingen at khet, ka habe, E ti thatûnyi ke thatûnyi ta je ûnyi hia.

At Khet 2:11

Me oge me wâ ta je ûnyi hia ame ânyâ hnen li hnyamok, me ta je huliwa oge me huliwan he ka ânyâ; ke wâ bi, thatûnyi hia, ke ame han ang, ke ba troban hmelen seûno.

At Khet 2:15

Ke haingök eû hnyi hnyekuk, ka habe, Haba ûnyi ame he ka o ka at ae monu, me ame he ka o minya könya; awe, hnân eû a iny metâ gan hmâ? Me oge me ha eû hnyi hnyekuk, ka habe, Wale minya ke thatûnyi.

At Khet 2:17

Me oge me höcö möt; anyin ae vec könya huliwa adre me ânyâ hmelen seûno; anyin a thatûnyi hia, kʼ ame han ang.

At Khet 2:19

Ke e khanö ia ame ne he ka at ae metâ ame ne at ae monu? ke e ame he bi ka musö anyik ta je huliwa hia wale oge me huliwan, me omanenâ hnyin metâ hnyi hmelen seûno. Wale ke thatûnyi.

At Khet 2:21

Ke waleû at ame huliwa hnyi metâ, me wâhmakhmeto, me ti khana; ke so bi e ame he ka hna e ka at a ca hnyi huliwan bi me hnân weûhûneny. Wale minya thatûnyi, me monu ae gan hmâ.

At Khet 2:23

Anyin a e ame vec thibi hnyi bongon taje bong, kʼ ame huliwa hnyi hloûhloû; eke, ame ca mokut bi hnyekon hnyi je hnyinghet. Wale ke thatûnyi.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 2:8

oge me ûkhöûnâ minya sileva, me gol, me je omjehen je than, me je hnyei: e hu gak minya tavat khumöng obaga me omomo, me je weny tavat, wale omomo ae se hia.

At Khet 3:19

Anyin a haba ûnyi ame o ka at, me ame o minya ka meno; kʼ ame o ködru ûnyi a khaca; haba mok anyin ke at, me helâ me mok anyin ke at; eke, e tha ûcû homenödru; ke ca beönua bi at hon meno: anyin a thatûnyi hia.

At Khet 4:16

Ca hnân bi aû tavat e ame muso: ke so bi adre me ca he ka senyin kâu hwaban dö e. E hnathu e thatûnyi e, kʼ ame han ang.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

At Khet 5:10

Haba at ame hnyokâ sileva, me ame ca he ka sekon ge sileva; ke haba at ame hnyokâ omjeû ae se hia, me ame ca he bi ka sekon ge hna osehia: Wale ke thatûnyi.

At Khet 6:11

E se hia ta je ûnyi ame bi hanen ka ûnyi baû, anyin a wale ieû troban ka at!

Roma 8:20

Anyin adre hwenbâ hmeledrany ka hnyi ûnyi ae ca ûnyi hnathu, ca ûnyi ge weny, ke hnen bi e at ame hom hwenbâ,