At Khet 1:14 - Iaai Bible 1901 (New Caledonia)

¹⁴ Oge hia but wâ ta je huliwa hia adre me ânyâ hmelen seûno; ke wâ bi thatûnyi hia, kʼ adre me han ang.

At Khet 1:14 ပူးပေါင်းရင်းမြစ်များ

At Khet 12:8

Awe, haingen at khet, ka habe, E ti thatûnyi ke thatûnyi ta je ûnyi hia.

At Khet 2:11

Me oge me wâ ta je ûnyi hia ame ânyâ hnen li hnyamok, me ta je huliwa oge me huliwan he ka ânyâ; ke wâ bi, thatûnyi hia, ke ame han ang, ke ba troban hmelen seûno.

At Khet 2:17

Me oge me höcö möt; anyin ae vec könya huliwa adre me ânyâ hmelen seûno; anyin a thatûnyi hia, kʼ ame han ang.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 3:19

Anyin a haba ûnyi ame o ka at, me ame o minya ka meno; kʼ ame o ködru ûnyi a khaca; haba mok anyin ke at, me helâ me mok anyin ke at; eke, e tha ûcû homenödru; ke ca beönua bi at hon meno: anyin a thatûnyi hia.

At Khet 4:16

Ca hnân bi aû tavat e ame muso: ke so bi adre me ca he ka senyin kâu hwaban dö e. E hnathu e thatûnyi e, kʼ ame han ang.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

At Khet 4:6

E so e khaca hnyam ae unöngöt tha e me laba wia, hon li hnyam ae tha unöngöt bi tha e me huliwa me hna han ang.

At Khet 6:9

E so hna wâ hnen li ecmak, hon ona weny hnen hnyok; wale ke thatûnyi, ke ame han ang.

At Khet 8:16

Hnyi ûen oge me ûnykûme eû hnyi hnyekuk he ka khana metâ, me wâ ta je ûnyi adre me ânyâ eang hmelen; (anyin ae hu at ame ca mokut hnyi lany me lit:)