At Khet 1:13 - Iaai Bible 1901 (New Caledonia)

¹³ Ke oge me kong hnyekunâ he ka elâm me hnö a deny metâ, ta je ûnyi hia adre me ânyâ hnyi hmeledrany: e hmak hmonyin huliwa Khong ame ham ka lakon tavat he ka huliwan.

At Khet 1:13 ပူးပေါင်းရင်းမြစ်များ

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Jobu 28:3

Ame bi obiny menekholom hnen at, Me elâm wia hnyi je hnyegöulen ae ti sâkâû Je veto, hnyi menekholom, me hmenon mok,

Salamo 111:2

E gan hmâ ta je huliwa anyi Iehova, Adre me elâm wia e hnen tavat hia thithö adre me senyin gan.

Ta je Vejec 18:1

HABA at ame ka hake laba, me ame elâm bi weny, Kʼ ame hmonyin ge metâ hia ae so.

Ta je Vejec 18:15

Haba hnyekon at ame wâ wia, me ame bi hanen wâhmakhmeto; Ke haba hnyikonyen at ae metâ, me ame elâm he ka wâhmakhmeto.

Ta je Vejec 23:26

Nokuk lö, hö jem hnyekom könya, Ke wâ thö dek je gethen ge li emakâm.

Ta je Vejec 25:2

Hmanenanginy Khong he ka oiyongâ ke ûnyi: Ke hmanenanginy je than he ka elelâm ke ûnyi,

Ta je Vejec 4:7

E beönua metâ: bi metâ thö: Eke, bi wâhmakhmeto thö, tha e me ta je ûnyi u je hom.

At Khet 1:17

Ke oge me kong hnyekunâ he ka metâ, me he ka khana hwen monu me hwakecin ae ûnyi baû: oge me wâ a gʼ ame han minya ang.

At Khet 11:5

E ca khanö u gethen deny ang, me ûkûen ta je jö hnyi hnyekon momo ae erkin; helâe e ca khanö u ta je huliwa anyin Khong at ame ânyâ hia.

At Khet 12:12

Ke walang khaca, nokuk lö, kap ju hna nâ: e ba obiny bi ka hn ödra hna sihnalimen ta je tusi ae se hia; ke ödra ka unö gânâ tusi, me ame sënyin dut unyin.

At Khet 2:23

Anyin a e ame vec thibi hnyi bongon taje bong, kʼ ame huliwa hnyi hloûhloû; eke, ame ca mokut bi hnyekon hnyi je hnyinghet. Wale ke thatûnyi.

At Khet 2:26

Anyin a Khong ame ham metâ ka at kʼ ame osenyinâ e, ke wâhmakhmeto, ke senyin: ke e ame ham huliwa ae hmak ka at ae kong, he ka ûkhacaköuâ me ûkhöûnâ, me me he ka ham bi ka at ame osenyinâ Khong. Wale ke thatûnyi, ke ame han ang.

At Khet 3:10

O ge wâ but huliwa ae hmak wale a ham Khong ka tavat he ka huliwan.

At Khet 3:11

E ame hia but ânyâ ta je ûnyi hia he ka hmanenang hnyi je ûen ae ûcû: ke khaca, e ame ip ûnykûme ka hmeledrany eû hnyi hnyekudra, ke so bi, at ame ca wâ huliwa ame ânyâ Khong ûnyi hnyi hwân, ke ne o but hnyi obiny.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

At Khet 7:25

Oge me hwihwiö, me ûnykûme eû hnyi hnyekuk he ka khana, me elâm, me wâ metâ, me bongon ta je ûnyi, me khanö nya hnyikongon monu, me hwen monuiny monu:

At Khet 8:9

Oge hia but wâ ta je ûnyi hia eling, ke oge me ûnykûme eû hnyi hnyekuk ta je ûnyi hia adre me ânyâ hmelen seuno: e hu ûen adre me muso ke at ge ke at bi me me kong.

I. Timoteo 4:15

Ûnykûme wia ta je ûnyi eang; khenen dö ka hnyin; me me manen dut troban ânyâm huliwa ka tavat hia,