Amosa 9:9 - Iaai Bible 1901 (New Caledonia)

⁹ Anyin a wâ bi oge me he ka hûna, ke oge me he ka cubec lap anyi Isaraela unyin je hnyei, helâ me hna degec tiren hwit hnyi taben ûcûbic, ke so bi ame ca he ka kolu ke wan ae ûhnyûkong hnyikânâi.

Amosa 9:9 ပူးပေါင်းရင်းမြစ်များ

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 28:28

Adre me omomono hwit; anyin a e ame ca he bala ka kokot: ke ame ne jijingâ e hnen waengeniny kat me haleny je hors, me e ame ca omomono e.

Isaia 30:28

ke haba hnen hna menâ me helâ me wagewe ame bahihingölö ke ne o but hnyi nyin, he ka cubec ta je hnyei ge ûcûbec ûnyi a ohia: ke ame he ka e hnyi hnyimen je hnyei toiny hors wale at ame omonoâ.

Jeremia 31:36

haingö Iehova, ka habe, a ne he ka hia hnyi hnyimakök je hnanyibu eling, me ame he ka ba hmetu hnyei hnyi hnyimakök mâtrâniny Isaraela nyiele balua.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Jeremia 49:36

Ke oge me he ka oâ kö Elama je ang a vak hnyi vak ta ke keihen drany, ke oge me he ka ovesei ödra ka hnyi vak ta ang hia; ke ame he ka ba hnyei ame ca he ka o ka hnyin hnödra hna obâ ûnyi hnyi Elama.

Ezekiela 20:38

ke oge me he ka kot degecâ tavat ûkhin fuc unyibun, me tavat ae kong hwakecidra könya; oge me he ka lili ödra ûnyi hnyi hnyei adre me me laba hnyin, ke adre me ca he bi ka dit ka hnyi hnyei Isaraela: ke öbun e he ka wâ a inya Iehova.

Ezekiela 36:19

me oge me ovesei ödra unyin ta je hnyei, me adre me obʼ ödra unyin tavat: ke oge me bi hwaban kodra hoton hwakecidra ke hnödra je hna ânyâ.

Ezekiela 39:28

Me adre me he ka wâ a inya Iehova Khongudrin, anyin oge me kunʼ ödra ka bâ hnyi je hnyei, ke oge hia but ûkhacaköu ödra ka hnyi idra bi; ke oge me ca he hmetu ka hna degecâ ke at gadra nyiele;

Ezekiela 5:10

Anyin a wale ame he je kamen ka an jo lakudra hnyi wanbâm, ke ame he je lakon ka an je lakamödra; ke oge me he ka bi hwaban köu, ke oge me he ka oveseâ je kolon hia gam ka hnyi ta je ang hia.

Ezekiela 5:12

Ke ame he ke keihâm a kuniny ka mok ge mok ae cap, ke ame he ka oaûʼ ödra hnyi wanbâm ge hmiâ; ke ame he ke keihâm a kuniny ka ta ge hele vat igigili u; ke haba ke keihâm oge me he ka oveseâ ka hnyi ta je ang hia, ke oge me he ka oc hele vat he ka hnu ödra.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Luka 22:31

Simona, Simona lö, wâ bi, a hia but Satana sumâtâ he ka hum öbun, me me he ka jijingi öbun helâ me hwit:

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.