Amosa 9:1 - Iaai Bible 1901 (New Caledonia)

¹ OGE me wâ Than ame tot hnyi taben hut: ke haingen, ka habe, Kot dö je ban, me me jijing dö je hwanuma: me thu omomonu ödrin hon je bödra hia; ke oge me he ka hlingâ at a biliny gadra ge hele vat: e ba at a khaca gadra ame he ka kec, ke ba ke at gadra ame he ka mot.

Amosa 9:1 ပူးပေါင်းရင်းမြစ်များ

II. Man Ûlabainy Je Than. 18:18

Ke haingö Mikaia, ka habe, Anyin a wale long ju hofuc ho Iehova: oge ō Iehova but ame laba hon anyin theron, ke ame ûtitilen je dö hnyi drany hnyi ke keihen metâ me meny.

Salamo 68:21

Kʼ ame he Khong ka thö ban je iwahnai hmiöny mē, Wale wakaian ban ame kû leûnen at ame vheno bala hnyi anyin hulo.

Salamo 68:22

Haingen Than, ka habe, Oge me he ka hom hmetu ûnyi hnyi Basana, Oge me he ka hum ödra hmetu ûnyi hnyi ta je diliny köiö:

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Isaia 6:1

HABA hnyi hunainy mok a Uzia than, me oge me wâ Than ame tabâ theron ae gorany ke beönua, ke unöngötö uma ge obiny anyin ûkhaû.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 42:16

awe, ame he ka khöû öbun eling hnyi hnyei Aigupito hele vat, wale öbun e outen, ke ame he hmiâ ka hnu öbun ka hnyi hnyei Aigupito, wale öbun e outen; ke öbun e he ka mok eling.

Jeremia 48:44

Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Ezekiela 10:4

Ke haba hmanenangi Iehova ame ölö ûheny hon kerubi, me tot hon hwanumen uma; ke unöngötö hnyeule ge ulâ, ke unö-ngötö hnyeule ge melaminy hmanenangi Iehova.

Ezekiela 15:7

Ke oge me he ka wâhmʼ ödra; adre me he ka kec ge meic, ke ame he bi ka an hnen ke meic; ke öbun e he ka wâ a inya Iehova, iny ka wâhmʼ ödra.

Ezekiela 9:2

Ke wâ bi ame o but siks tavat ûnyi hnyi getheniny homagöule ethö hnyi ke keihen ka hnyi hwadro, ödrin e ve o me anyidrin ta je ûnyi hnân ûhlingö; ke haba hnyi wanbödrin ke at ame khavâ ûkhaû lino, ke hu kaia sisit hnyi vhaken. Ke ödrin e didro me tot hnyi baten taben hut bras.

Amosa 3:14

Anyin a hnyi bong oge me he ka bi hwaban monuiny Isaraela, me oge me he minya ka bi hwaban ka je taben hut hnyi Beth-ela, ke adre me he ka sö degecâ je baitoiny taben hut, me kolu hnyikânâi.

Amosa 7:17

anyin a wale walang hna ha hnö Iehova, ka habe, Ame he âiâm ka helâ me momo hnyi getheniny taun, kʼ ame he ka ta lakon obaga me wahlu ge hele vat, ke adre me he ka khenâ em hnyei ge tulut tö; ke u me he bi ka mok hnyi hnyei ae ikiki, ke e hnathu adre me he ka hom bâ at Isaraela ûnyi hnyi idra hnyei.

Amosa 7:9

ke ame he ka ba wan je dok ae gorany anyi Isaaka, me ba onyen je dok ae kap anyi Isaraela; ke oge me he ka tot ûcon lap anyi Jeroboama me hele vat.

Habakuka 3:13

U je he but hnân he ka omelö lakem, He ka omelö hnâm hna hû; U je aat dö ban ûnyi hnyi lap anyin at ae kong Me omanenâ taben ke ne o but hnyi kic. [Sela.

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Zefania 2:14

Ke ame he je hnahat meno ka mokut hnyi wanben e, a omenoiny ta je hnyei hia: ame he kati me kifoda ka mokut hnyi ban je hmolominy: kʼ adre me he ka cûk hnyi je mamalama; ke ba at hnyi je hwanuma: anyin a e ame he ka hom singiny ûnyi hnyi hon hna huliwan arasi.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 1:32

Haba Ioane ame ohnathoâ me ha, ka habe, Oge hia but wâ Hanu ame gâ but ûheny hnyi drany helâ me biny; me ame o hnyi hon.

Ta je huliwa 26:13

ke hnyi jebigo inya oge me wâ eû hnyi gethen melam ûnyi hnyi drany ae hadrö-ngöc hon seûno, ame umumelam igigili nya me hnyat ödrin e tha he mönya.

Josua 10:18

Ke Josua ame ha, ka habe, Tetebulo but je veto ae gan ka hnyi hnyimen op, ke kunâ tavat he ka tuʼ ödrin:

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,

Hna Omanenâ 8:3

Me ame o but ke angela me tot hnyi taben hut, e unyin taben meic a gol; me adre me ham gânâ kâu je uto ae bo so, me me he ka tha ip e me je hic hijin wakap hia thithö hnyi taben hut gol hnyi hnyimakan theron.