Amosa 8:4 - Iaai Bible 1901 (New Caledonia)

⁴ Long ju hofuc ang öbun tavat öbun e beutâ ta je theduoc, me ota tavat ae vec hnyi hnyei,

Amosa 8:4 ပူးပေါင်းရင်းမြစ်များ

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

Jobu 24:4

Ödrin e osaûâ tavat ae theduoc ûnyi hnyi gethen: Haba tavat ae hnyikânâ eang hmelen me ödrin e lubaduöng.

Salamo 10:7

A unöngötö hnyimen ge ûhangö, me iyawö, me seda: Eû hnyi hmelen bohmen ûokonguny me hulo.

Salamo 12:5

Can adre okongoâ tavat vec, can mâng anyin tavat ae theduoc, Oge me he ka todrâ walang ang, baingö Iehova; Oge me he ka ip wia at wale adre me tûâ.

Salamo 14:4

Hawa, e ba hnyekudra tavat hia adre ânyâ hulö? A tavat adre me an lakeik helâke me hna an jeû, Kʼ adre me ca hongot bi kö Iehova.

Salamo 140:12

E khauö nya but a gʼ ame he Iehova ka ânyâ wisa ka at ae vec, Me owisa ka at ae theduoc.

Salamo 56:1

KHONG lö, betenge ju gak; anyin a beutâ unyik hnen at: E ame vat mönya me oveci nya hnyi je bong.

Ta je Vejec 30:14

E hu dö ke hele vat je nyudra, ke je hele vat je wehûlûsinaidra, He ka an tavat ae theduoc hnyi hnyei, ke tavat ae ba ta unyi unyin tavat.

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Isaia 28:14

Anyin a wale long ju hofuc ho Iehova, öbun tavat hlumö at, tavat öbun e muso tavat eang a e hnyi Jerusalema:

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 45:10

Öbun e he ka hu tulut uhni ae wisa, me efa ae wisa, me bath ae wisa.

Amosa 5:11

Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Amosa 7:16

Anyin a wale long ju walang ang hofuc ho Iehova, ka habe, Haingâm, ca perofeta bi ka at Isaraela, ke ca fuc bi ka lap anyi Isaaka;

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Mika 3:3

tavat adre me an minya unyin lakeik; kʼ adre me uja unen unyidra, ke thu je jeiödra: eke, adre me susubʼ ödra helâke me hnân öt, ke helâke me je uthmeno hnân öt ae gan.

Zakaria 5:6

Ke haingök, ka habe, A ieû e? Ke e ame ha könya, ka habe, Walang efa at ame he. Ke haingen, ka habe, Walang hnân oûcû ödra hnyi hnyei hia:

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Iakobo 5:6

Öbun e hia but hangâ, öbun e hia but hlingâ at ae wisa; ke e ame ca hagutʼ öbun.