Amosa 8:2 - Iaai Bible 1901 (New Caledonia)

² Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Amosa 8:2 ပူးပေါင်းရင်းမြစ်များ

Genese 6:13

Ke Khong ame ha kö Noa, ka habe, A o but hnyi hnyimakök obiny tavat hia thithö; anyin a unöngötö hmeledrany hnen ûkonguny ûnyi gadra; ke wâ bi oge me he ka tha ohiʼ ödra me hmeledrany.

Isaia 28:4

ke haba vongon ame meleca ge hmainy ae hmanenang, wale hnyi ban hnyigöulen bucen ae pipikhenya, ame he ka helâ me wan meta a bân ke tiga ca honivakeny; e ka wâ e hnen ke at, ke tiga e bi hnyi hnyamen e ame ie han e.

Jeremia 40:10

Ke haba inya, wâ bi, oge me he ka laba hnyi Mizepa, he ka tot hnyi hnyimakan at Kaledaia tavat adre me he ka o köta: ke haba öbun, ûkhöûnâ thö waina me wan ae metu, me wakaco, ke hitangen ju hnyi tangöbun je tang, ke labā ju je taun öbun e hom.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Je tenge anyi Jeremi 4:18

Adre me cet je nyeûcahmun, me ca khanʼ ohmun he ka vheno dehmun je gethen: E hakekeny jut obiny kohmun, a bekhot ut bonguhmun ta je bong, anyin ame o but obiny kohmun.

Ezekiela 12:23

Anyin a wale, ha thö kodra, ka habe, Walang hna ha hnen Than Iehova, ka habe, Oge me he ka bi obiny vejec eling, kʼ adre me ca he hmetu ka vejecâ e hnyi Isaraela; ke ha thö kodra, ka habe, E hakekeny jut je bong, ke ihwâdâiny ta je hna omanenâ hia.

Ezekiela 29:8

Anyin a wale, walang hna ha hnen Than Iehova, ka habe, Wâ bi, oge me he ka oâ köu hele vat, me subâ degecâ gam at me meno.

Ezekiela 3:10

Ke e ame ha könya, ka habe, Nokon at lö, haba hok ta je hofuc hia oge me he ka ha köu, ip ju eû hnyi hnyekom, me long ju ge li hnyikönyâm.

Ezekiela 3:7

Ke so bi ame ca he lap anyi Isaraela he ka ling u; anyin adre me höcö ling nya: anyin a tavat hwege hnyimakan me khot hnyekudra hia lap anyi Isaraela.

Ezekiela 7:6

Ame o but obiny, wale obiny ame o, e ame hmak dö ûcom, wâ bi, e ame o but.

Ezekiela 8:12

Ke e ame ha könya, ka habe, Nokon at lö, hawa u me hia but wâ hna ve ânyâ hnen wahingatiny lap anyi Isaraela hnyi dok ae menekholom hnyi je hnyeuleny je ûhöûcû? anyin adre me ha, ka habe, Ame ca ō ʼta but Iehova; Iehova ame hia but hna degecâ hmeledrany.

Ezekiela 8:17

Ke e ame ha könya, ka habe, Nokon at lö, u je wâ but e? Hawa, ûnyi ae hâhâ ka lap anyi Juda wale a gʼ adre me ânyâ je ûnyi ae ikiki wale adre me ânyâ eang? anyin adre hia but öunöngötâ hnyei ge ûokonguny, me hwio hmetu mʼadre me ohmönyini nya: ke wâ bi, adre me inâ anginy ûö ka hnyi je hnyingoidra.

Ezekiela 8:6

Ke e ame ha könya, ka habe, Nokon at lö, u je wâ but ûnyi adre me ânyâ? wale ûnyi ae ikiki ame ânyâ eang ge lap anyi Isaraela, me inye he ka ûsâkâûö me anyik dok ae kap? ke u me he eâu ka wâ minya je ûnyi ae ikiki.

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Amosa 7:8

Haba Iehova ame ha könya, ka habe, Amosa lö, ieû u je wâ? He haingök, ka habe, Tulut tot. Ke haingen Than, ka habe, Wâ bi, oge me he ka otilâ tulut tot wanben lakeik a at Isaraela; oge me ca he hmetu ka he me digic ödra,

Amosa 8:1

WALANG hna omanenâ könya ge Than Iehova: ke wâ bi tang wan ûö ae mat.

Mika 7:1

EKÖLÖ gak! anyin a iny ûcû me ûö adre me tau wan, ke iny ûcû me hna hlo wan vine: ke ba hmetu bi wan vine hnân ic; me wan meta a bân wale ame wek hnen hanuk.

Zakaria 5:2

Ke e ame ha könya, ka habe, Ieû u je wâ? ke haingök ka habe, Inya oge me wâ tusi adre vhec ame gâ; twente kubit ibeûen e, ke ten kubit ûlauen.