Amosa 6:2 - Iaai Bible 1901 (New Caledonia)

² He thö Kalene ai me wâ; ke ûhem e, he thö Hamath ai ae gan: ke utut minya Gatha ai anyin at Filisiti: hawa, ödra so hon je dokhu eling? ame ne gan je idra hon je ibun?

Amosa 6:2 ပူးပေါင်းရင်းမြစ်များ

Genese 10:10

Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

II. Samuela 8:9

Ke a long ut Toi than Hamath a Davita ame kot utbavat hia anyi Hadadeza,

I. Je Than 8:65

Me Solomona ame ânyâ bijeû hnyi ûen eling, a tha e me at Isaraela hia, e gan hmâ ûkhacaköu, hwân hnyi gethen ûheny Hamath ke ne o but hnyi wagewe Aigupito, hnyi hnyimakö Iehova Khonguta, seven ta bong ke seven minya ta bong, wale fotin je bong.

II. Je Than 17:24

Ke haba than Asuria ame hom tavat ûheny Babulona, me Kutha, me Ava, me ûheny Hamath me Sefaravaima, me ip ödrin hnyi je tauniny Samaria hwaban lakon Isaraela: me ödrin e labâ Samaria, me laba hnyi je tauniny.

II. Je Than 17:30

Ke haba at Babulona ödrin e ânyâ Sukotha-benotha, ke haba at Kutha ödrin e ânyâ Neregala, ke haba at Hamath ödrin e ânyâ Asima,

II. Je Than 18:34

Ewa je khongon Hamath, me Arepada? ewa je khongon Sefaravaima, me Hena, me Iva? hawa, ödrin e hia but omeli Samaria ûnyi hnyi hnyamok?

II. Je Than 19:13

Ewa thaniny Hamath, me thaniny Arepada, me thaniny taun Safaravaima, me Hena, me Iva?

II. Man Ûlabainy Je Than. 26:6

Me e ame he but me vat me at Filisiti, me thö degecâ hna up haginy hnyi Gatha, me hna up haginy hnyi Jabene, me hna up haginy hnyi Asedoda; me e ame op je taun hnyi hnyei Asedoda, me Filisiti.

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Nahuma 3:8

Hawa, u beönua hon No-amona, wale ame laba hnyi je wagewe, ke ame igigilo e je köiö, haba köiö ae gan, me singiny, ke haba haginy hak, me köiö?

I. Samuela 17:23

Ke e ame tiga ûhnenamö mödrin, me wâ bi, ame o but at ae beönua hwegien, at Filisiti ûheny Gatha, Goliatha ien, ûnyi hnyi je vat anyin at Filisiti, me fuc helâ me hna labö ha: ke a long ut Davita.

I. Samuela 17:4

Ke ame he but at ae nua hwegien ûnyi hnyi hna hunuma anyin at Filisiti, adre hwenyi ien Goliatha, at Gatha, haba ibeûen me siks je kubit ke khaca hnyam.

I. Samuela 5:10

Me ödrin e ûkhûnöng me tang tangen Khong Ekerona ai. Ke ame o but tang tangen Khong hnyi Ekerona, me haba at Ekerona ödrin e kuku me ha, ka habe, Ödrin e hom kötin tang tangen Khongon at Isaraela, me me hlingʼ otin me itin hnyei.

I. Samuela 5:8

Me ödrin e ûkhûnöng he ka ûkhacaköuâ mödrin je thaniny at Filisiti hia, me ödrin e ha, ka habe, Otin e he ka hawa ka tang tangen Khongon at Isaraela? Me ödrin e thu, ka habe, E so adre me hom tilâ tang tangen Khongon at Isaraela Gatha ai. Me ödrin e hom tilâ tang tagen Khongon at Isaraela.