Amosa 5:6 - Iaai Bible 1901 (New Caledonia)

⁶ Elom Iehova thʼ öbun mʼ öbun e he ka mot; wâ e nye gâ but helâ me meic ka lap anyi Josefa, me an e, ke ba at hnyi Beth-ela he ka ume:

Amosa 5:6 ပူးပေါင်းရင်းမြစ်များ

II. Samuela 19:20

Anyin ae khanö nya athnyabaem a oge me ânyâ hwakecin ae kong: me wâ bi, inya oge me bök ka o ke tiga hia lap hia anyi Josefa hnyi bong ang he ka ut ka ûkhanö me than a tuhok.

I. Je Than 11:28

Ke at ae hwege hmonyin Jeroboama: ke a wâ but Solomona a e hidröu ae ti huliwa, ke e ame otilâ e hon ta je huliwa hia hnyi lap anyi Josefa.

II. Man Ûlabainy Je Than. 34:25

can ödrin e hna degeci nya, me leû utö ae bo so ka ke je khong, mʼ ödrin e ohmö-nyini nya ge ta je huliwa hia anyin je hnyamödrin; anyin a wale ame ubâhlâ thö anyik hmonyin ka dok ang, ke adre me ca he ka ume.

Salamo 27:8

Hnyi ûen u je ha, ka habe, Elâm dʼöbun hnyimakök; me ame ha hnyekuk, ka habe, Iehova lö, oge me he ka elâm hnyimâkâm.

Salamo 69:33

Anyin a Iehova ame long tavat ae theduoc, Kʼ ame ca hûkotiâ hnyat e ame ca.

Esodo 22:6

A ne o thö meic me thong ta je ûö ae ûdedö, me le hwit ame ta, ame ne hwit ame tot, ame ne hnyei; me ame he ka bi hwaban hnen at a hlogon.

Isaia 1:31

Ke ame he at hwege ka helâ me wakunenu, me anyin huliwa helâ me wahleûhleûiny meic; ke adre me he ka tha thong degeci ödru, ke ba at ame he ka ume.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Jeremia 38:20

Ke haingö Jeremia, ka habe, Adre me ca he ka hnö u. Ö u löng ju walang ang hofuc ho Iehova, wale oge me ha köu, me me he ka hu so gam, ke u me he minya, ka mot.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Ezekiela 21:3

me ha ka hnyei Isaraela, ka habe, Walang hna ha hnö Iehova, ka habe, Wâ bi, ve e inya möu, ke oge me he ka oc ut anyik hele vat ûnyi hnyi tangen, me subâ degecâ ûnyi gam at ae wisa me at ae kong.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 37:19

me u me he ka ha kodra, ka habe. Walang hna ha hnen Than Iehova, ka habe, Wâ bi oge me he ka hom ong utö anyin Josefa a e hnyi hnyamen Eferaima, me je tribu Isaraela a lahanen; ke oge me he ka tha ip mē, wale ong utö anyin Juda, me wia me me khaca thibi utö, ke adre me he ka khaca hnyi hnyamok.

Amosa 3:14

Anyin a hnyi bong oge me he ka bi hwaban monuiny Isaraela, me oge me he minya ka bi hwaban ka je taben hut hnyi Beth-ela, ke adre me he ka sö degecâ je baitoiny taben hut, me kolu hnyikânâi.

Amosa 5:14

Elâm dö so, ke ca monu bi, mʼ öbun e mot: me ame he Iehova Khongon sabaoth ka tha e mʼ öbun, helâ me hnobun hna ha.

Amosa 5:4

Anyin a walang hna ha hnö Iehova ka lap anyi Isaraela, ka habe, Elom nya thʼ öbun, mʼ öbun e he ka mot:

Amosa 6:6

tavat adre me ijem waina ûnyi hnyi je utkaia, kʼ adre me ka sûâ wakaco ae so; ke adre me ca hmak bi ge vec anyin Josefa.

Zefania 2:3

Elöm Iehova thʼ öbun hia tavat ae ilemuk hnyi hnyei, tavat adre ânyâ hnen hna owisa; elâm dö hwakecin ae wisa, elâm dö menyik: adre me ne he ka ikhölʼ öbun hnyi bonginy hmonyin anyi Iehova.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Deuteronomi 32:22

Anyin adre hû meic hnyi anyik hmö nyin, Ke ame thong ke ne o but dok ae dit hmönyin, Me an hmeledrany me troban, Me thong ta je taben je bucen.

Deuteronomi 4:24

Anyin a meic ae han Iehova Khongom, Khong ame ciâ.

Josua 18:5

Ke ödrin e he ka kia sevenâ: ame he Juda ka laba hnyi hnyigöulen ka hnyi hwaiöu, ke ame he lap anyi Josefa ka laba hnyi hnyigöulödrin ka hnyi hwadrö.