Amosa 5:5 - Iaai Bible 1901 (New Caledonia)

⁵ ke ca elâm bi hnyi Beth-ela, ke ca didro ka hnyi Gilegala, ke ca hanyâûâ Bere-seba ai: anyin e hnathu ame he Gilegala ka bâ, ke ame he ka ûnyi baû Beth-ela.

Amosa 5:5 ပူးပေါင်းရင်းမြစ်များ

Genese 21:31

Anyin a wale e ame hwenyi ien dok e Bere-seba, anyin a ödre ûkhemanyin eling.

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

Genese 26:23

Ke e ame he thö ûheny e Bere-seba ai.

Genese 26:33

Me e ame hwenyi ien e Seba: waleling me me ien taun eling Bere-seba ke ne o but hnyi bong ang.

I. Je Than 12:28

Me than ame ûhnenamö, me ânyâ li nokon kau gol; ke e ame ha ködrin, ha habe, E hmak köbun he ka he Jerusalema ai; Isaraela lö, wâ ju ang li khongom, a li at ödre hum u ûnyi hnyi hnyei Aigupito.

I. Je Than 12:29

Me e ame otilâ khaca hnyi Beth-ela, ke e ame ip khaca hnyi Dana.

II. Je Than 23:8

Ke e ame hom tavat bihut ûnyi hnyi je taun Juda hia, me oikikiâ je dok ae görany ame leû hnyin uto ae bo so ge tavat bihut, hwân hnyi Geba ke ne o but hnyi Bere-seba; ke e ame thö degecâ je dok ae görany hnyi je homagöule wale hnyi homagöule Josua at ame muso taun, wale hnyi ke keihen a meny homagouleny taun.

Jobu 8:22

Adre me khavâ ge hmehma tavat adre me hûkötiö u; Kʼ ame he ka hia but uma mano umen tavat ae kong.

Salamo 33:10

Iehova ame oûnyibâûâ je ûhnenamö anyin ta je hnyei: E ame oba troban je ûnykûmenen tavat.

Isaia 29:20

Anyin adre me oûnyibaûâ at ûöveci, ke a obiny jut at hlumö at, ke adre me subâ degeci ödra hia thithö adre me hmâkâ hwakecin ae kong:

Isaia 8:10

Tha ûhnenamö thö, ke ame he bi ka ûnyi baû; ha thö hofuc, ke ame ca he bi ka hwâdâ: anyin ae unyita Khong.

Jeremia 48:13

Ke ame he Moaba ka hmehma ge Kimosa, helâji me lap anyi Isaraela ame hmehma ge Beth-ela, waleji adre me labageju kâu.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Hosea 9:15

E hnyi Gilegala hwakecidra ae kong; anyin oge me hûkötiʼ ödra eling: ke oge me he ka obʼ ödrâ ûnyi hnyi umök uma, can anyidra ta je huliwa ae kong: oge me ca he hmetu bi ka betenge gadra; tavat ûkhin fuc je latuhödra hia.

Amosa 1:5

Ke oge me he ka thu venyâiny Damaseko, me suba degecâ tavat adre me laba hnyi hnyigöulen bucen Aven, me at ame hom uciny musi ûnyi hnyi lap anyi Edena: kʼ ame he ka hom bâ at Suria, Kira ai, haingo Iehova.

Amosa 3:14

Anyin a hnyi bong oge me he ka bi hwaban monuiny Isaraela, me oge me he minya ka bi hwaban ka je taben hut hnyi Beth-ela, ke adre me he ka sö degecâ je baitoiny taben hut, me kolu hnyikânâi.

Amosa 4:4

Ai öbun Beth-ela ai, me ânyâ monu; ke Gilegala ai, me osehia hnobun je hna hanyâûâ; ke hom anyibun je hut hnyi je hnyomakatu, ke anyibun je ke keihen a libenyitainy hwaban ta bong a kun hia;

Amosa 7:10

Me haba Amazia at bihut hnyi Bethela ame ûkhûnöng kö Jeroboama than Isaraela me ha, ka habe, A hia but Amosa si hnâm hnyi wanben lap anyi Isaraela: e ca ûcû bi hnyei he ka hok hnyokâ hwan je hofuc.

Amosa 7:13

ke ca perofeta hmetu bi hnyi Beth-ela: anyin a dok e ae kap anyin than, ke hnyaban e than.

Amosa 7:17

anyin a wale walang hna ha hnö Iehova, ka habe, Ame he âiâm ka helâ me momo hnyi getheniny taun, kʼ ame he ka ta lakon obaga me wahlu ge hele vat, ke adre me he ka khenâ em hnyei ge tulut tö; ke u me he bi ka mok hnyi hnyei ae ikiki, ke e hnathu adre me he ka hom bâ at Isaraela ûnyi hnyi idra hnyei.

Amosa 7:9

ke ame he ka ba wan je dok ae gorany anyi Isaaka, me ba onyen je dok ae kap anyi Isaraela; ke oge me he ka tot ûcon lap anyi Jeroboama me hele vat.

Amosa 8:14

Tavat adre me khemanyinâ hulöiny Samaria me ha, ka habe, Dana lö, kia inya Khongom; ke kia inya gethen ûheny Bere-seba; ke adre me he ka ta, ke adre me ca he hmetu bi ka tot.

I. Korinito 1:28

ke haba Khong ame ûca ta je ûnyi baû hnyi hmeledrany, me ta je hna hûkotiâ, me ta je ûnyi ae ba, he ka ohia ta je ûnyi ae manen:

I. Korinito 2:6

Ke ohmun e khetâ metâ unyin tavat ae ti metâ; ke so bi ca metâ ûnyi eang hmeledrany ke ca ûnyi ge je tuhan meledrany, wale ame he ka hia bi:

Deuteronomi 28:41

U me he ka hnokoâ je baga me momo, kʼ ödrin e ca he ka lakom bi; anyin adre me he ka hum ödrin ka hnyi hwenbâ.

Josua 5:9

Ke haba Iehova ame ha kö Josua, ka habe, Oge hia but ohia hnyi bong ang ûnyi hnân ohmehma unyibun ûheny Aigupito. Anyin a wale adre me hwenyi ien dok eling Gilegala ke ne o but hnyi bong ang.

Hna Omanenâ 18:17

anyin adre ohia but hnyi awa a khaca tang omjeû ae gan hmâ helâe. Ke ame tot sâkâû ta je tuhan hu, me tavat adre me kec ehe hnyi köiö, me je aten hu, me tavat adre me huliwa hnyi köiö,

I. Samuela 11:14

Me Samuela ame ha ka tavat, ka habe, Otin he Gilegala ai, he ka ohâtâ! dökhu eling.

I. Samuela 7:16

Ke e ame labö vheno gaga Beth-ela, me Gilegala, me Mizepa, hnyi ke huna me ke huna; me e ame owisa ka at Isaraela hnyi ta je dok hia eling.

I. Samuela 8:2

Joela ien nokon a atö, ke Abia ien loiny, li at owisa hnyi Bere-seba.