Amosa 5:2 - Iaai Bible 1901 (New Caledonia)

² A ta but hluiny Isaraela; e ame ca he hmetu bi ka tot: adre degec e hon kânân kânâ, e ba at ame he ka otilâ e.

Amosa 5:2 ပူးပေါင်းရင်းမြစ်များ

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

Isaia 14:21

Penapena thö dok hnân hlingâ je lakon, can hulo anyin je kamödra; mʼ ödra me ca he ka tot me me idra hnyei, me ounöngötâ kânâiny hmeledrany hnen ta je taun.

Isaia 24:20

Ame he ka he ta tot hmeledrany helâ me at ae monu ge grâg; me bwebwet helâ me uma menâ; kʼ ame he ka hmak hon e je hna hanyâûâ, me ame he ka ta, kʼ ame ca he hmetu bi ka tot.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Isaia 43:17

at ame hom je kariota me je hors, me utbavat me tang hwege; adre me tha mokut ju, kʼ adre me ca he ka tot hmetu bi; e hiʼ ödra but, kʼ adre me mok ut helâ me wakunenu:

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 18:13

Anyin a wale, walang hna ha hnö Iehova, ka habe, Hnö thʼ öbun unyin ta je hnyei, ie at ame löng je ûnyi a helâe a hia but ânyâ ûnyi ae ti kong hnen hluiny Isaraela.

Jeremia 2:27

wale tavat adre me ha ka hnyiban utö, ka habe, Kamök u; me ka veto, U je hnöku nya: anyin adre me hotudra könya, me ca hnyimakodra bi; ke hnyi ûen anyidra vec, adre me he ka ha, ka habe, Todrö me omeli ohmun.

Jeremia 31:4

Hluiny Isaraela lö, oge me he ka up u hmetu, me adre me he ka up u; adre me he ka ohmanenangi u ge ânyâm je bwinybet, ke u me he ka he hnyi bibiâ anyin tavat adre me senyin.

Jeremia 4:20

Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

Jeremia 50:32

Ke ame he ka haû me ta at ae bigan, ke ba at ame he ka hai hmetu e: ke oge me he ka hû meic hnyi tauniny, kʼ ame he ka an e igigilo hia.

Jeremia 51:64

ke u me he ka ha, ka habe, Ame he Babulona ka dit helâe, ke ame ca he bi ka höhöi can okongon oge me he ka oâ kâu: ke adre me he ka sënyin. A um dö je hofuc ho Jeremia.

Jeremia 8:4

Ke u me he ka ha kodra, ka habe, Walang hna ha hnö Iehova, ka habe, Hawa, ame he tavat ka ta, me ca tot hmetu? hawa, ame he at ka saû, ke ame ca he ka hmetuhmetu?

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Jeremia 9:9

Hawa, oge me ca he ka senʼ ödra can ta je ûnyi e? haingö Iehova: hawa ame ca be hanuk ka bi hwaban ka hnyei a helâe?

Je tenge anyi Jeremi 2:13

Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 6:2

Hwaban lo li bong e ame he ka omeli öta: ke hnyi bong a kuniny e ame he ka höi öta, mʼ ate me he ka mot hnyi hnyimakan.

Amosa 8:14

Tavat adre me khemanyinâ hulöiny Samaria me ha, ka habe, Dana lö, kia inya Khongom; ke kia inya gethen ûheny Bere-seba; ke adre me he ka ta, ke adre me ca he hmetu bi ka tot.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;