Amosa 5:16 - Iaai Bible 1901 (New Caledonia)

¹⁶ Anyin a wale, walang hna ha hnen Than Iehova Khongon sabaoth, ka habe, Adre me he ka tenge hnyi ta je gethen ae lau hia; ke adre me he ka ha hnyi ta je hna cit gethen hia, ka habe, Ekölö! ekölö! he adre me he ka hawâ thö tavat belök mʼ adre me tenge, ke tavat ae khanʼ ödra tenge he ka tenge thungaû.

Amosa 5:16 ပူးပေါင်းရင်းမြစ်များ

Joela 1:11

Hmehma ju öbun tavat belök, tenge thʼ öbun tavat huliwan vine, can hwit me bali; anyin ae kong ut hwit hnyi ta hnyei.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Hna Omanenâ 18:19

Me adre me khaû dröu ka hnyi je bödra, me hongot, me tenge thungaû, ka habe, Ekölö, ekölö ge taun ae gan, at ame otreni ödra hia ge omjeû tavat ae hu hudrin hu eû hnyi köiö ûnyi ge ûnyi hnathuiny ke adre otheduocâ e hnyi awa a khaca.

Hna Omanenâ 18:10

ke ödrin e tot sâkâû anyin a ödrin e outen anyin vec, me ha, ka habe, Ekölö, ekölö ge taun ae gan a Babulona, taun ae hwege! anyin ame o but hwaban köu hnyi awa a khaca.

Mika 2:4

Hnyi ûen eling adre me he ka hai ûhoûcû gabun me tenge thungaû gan hmâ me ha, ka habe, Adre ti öba wan gata; e a hia but wia jekhon lakeik: ekölö ge hnen hna hom e ûnyi gak! e ame khenâ ita ta hnyei ka tavat ûkhin fuc.

Mika 1:8

Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Amosa 5:27

Anyin a wale, oge me he ka hum öbun ka hnyi bâ hnyi hoton Damaseko, haingo Iehova, Khongon sabaoth ien.

Amosa 3:13

Long ju öbun, me ohnathoâ ûcon lakon Jekob, haingen Than Iehova Khongon sabaoth.

Joela 1:14

Thu bongon ju he ka ca han, hawâ thö ûkhacaköu ae ûnyi hnathu; ûkhacaköu â thö wahingat me aten hnyei hia ka hnyi uma umo Iehova Khongubun, ke tenge thʼ öbun kö Iehova.

Joela 1:8

Tenge thö, helâ me hlu ame weikâ ecmano ae gan nân can âiân hlu a e.

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 15:8

Anyin ame hia but hwan tenge he igigilo je hnyigöulen Moaba; me anyin kuku tenge ke ne o but Egelaim, me anyin kuku tenge ke ne o but Beer-elima.

II. Man Ûlabainy Je Than. 35:25

Ke haba Jeremia ame khumöngö tenge ca Josea: ke haba tavat khumöng obaga me omomo hia, me, ödrin e haiö Josea hnyi anyidrin tenge ke ne o but hnyi bong ang; ke adre me otilâ hmâ bongon e hnyi Isaraela: me wâ bi, adre hia but sihnalimen hnyi je khumönginy tenge.

Jeremia 30:5

Anyin a walang hna ha hnö Iehova, ka habe, Ate hia but löng hwan öbubuny me ot, ke ca hnahic bi.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Joela 1:15

Ekölö ge bong! anyin ame he jem bong bongi Iehova, ke e ame he ka o helâ me hnaûhango ûnyi ge Ataekhanahia.

Amosa 8:3

Ke haba je khu-möng hnyi uma kap, me ame he ka helâ me kuku tenge hnyi bong eling, haingen Than Iehova: kʼ ame he ka se hia ta je komok; kʼ adre me he ka khûâ hnyibu ödra hnyi je dok hia.

Jeremia 9:16

Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.