Amosa 5:12 - Iaai Bible 1901 (New Caledonia)

¹² Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Amosa 5:12 ပူးပေါင်းရင်းမြစ်များ

Amosa 5:10

Kʼ adre me hûkotiâ at ame û thao hnyi homagoule, me ikikiâ at ame ha wisa.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.

Iakobo 5:6

Öbun e hia but hangâ, öbun e hia but hlingâ at ae wisa; ke e ame ca hagutʼ öbun.

Iakobo 5:4

Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Mika 7:3

Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Amosa 2:16

Ke haba at ae hwege hnyekon wale unyin tavat ae hwege, me e ame he ka kec ke ba ûkhaû hnyi bong eling, haingo Iehova.

Je tenge anyi Jeremi 3:34

Adre ne uto eû hnyikânâ aten uma ceat hia hnyi hmeledrany,

Jeremia 29:23

can anyin ödre hia but ânyâ hwen monu hnyi Isaraela, ke ödre hia but bi ûnyi monu me laâiân lawaedru, ke ödre hia but ha je hofuc ae thoi hnyi iök, waleji oge ca hûna ködru; ke inya at ae khana e, me ohnatho, haingö Iehova.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Isaia 47:9

ke so bi ame he ka o köu li ûnyi ang helâ me thuthubademak hnyi bong a khaca, wale ba nokon, me ba âiân: ame he ka ti o köu, eja ke ne u je ne osehia bala ânyâm je bihihwakecin, me osehia bi khong.

Isaia 33:15

Haba at ame vheno wisa, kʼ ame ha hofuc ae wisa; ke ame hûkotiâ hwaban hna ovecâ, kʼ ame jijingâ li hnyamen be me ca kap hwaban ae hwali, kʼ ame hlöng li hnyikonyen me me ca long ge dra, kʼ ame mûko li emakan me me ca wâ hulo;

Isaia 29:21

a tavat adre me bijoniny at hnyi hna ivino, me lau hnewe hobi kâu at ame nâ hnyi homagöule, me ohaûâ at ae wisa ke ba can.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 5:23

adre haiwisa at ae monu ge hwaban, me hok wisa unyin at ae wisa!

Ta je Vejec 22:22

Ca söh at ae theduoc, can anyin e ame theduoc, Ke ca seda at ae vec hnyi homagöule:

Jobu 31:21

Oge ne hia but hai hnyamok ka na kahme, Hnyi ûen oge wâ hiök hnyi homagöule:

Rutha 4:1

KE haba Boaza ame he ka hnyi homagöule me laba ju eling: ke wâ bi, ame he at a hanen anyidrin lap, wale at a ha ga Boaza; me e ame ha kâu, ka habe, E, ketha lö! aiö u, laba ju eang. Me a ame saû thö me laba ju.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.

Deuteronomi 16:18

Ke u me he ka otilâ hnyat owisa, me je taben hnyi em hnyei hia a ham köu hnö Iehova, hnyi ânyâm je tribu: ke ödrin e he ka owisa tavat ge hna owisa ae wisa.

Salamo 127:5

Hnahic hnen at ae hu tangen fana ae unöngöt gadrin: Adre me ca he ka hmehma, Ödra ka ûhnenamö me ta je iwahnaihmiöny mödra hnyi homagöule.

Ta je Vejec 17:8

Veto ae gan hwaban, bwihlany ka at ae hu e: E so troban e hnyi hna wia e ka ke dok me ke dok.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Hosea 5:3

Oge me ō Eferaima but, ke ca iyong bi Isaraela könya: unyin a walang ang, u Eferaima, u je hia but bi ûnyi monu, ke kong ut Isaraela.

Amosa 2:3

ke oge me he ka subâ degecâ at owisa hnyi wanben e, me tha hlingâ e me ta je taben hia hnyin e, haingo Iehova.

Amosa 5:7

öbun tavat öbun e wia hna owisa me me helâ me khöhlöng, me khûâ hnyikânâi hwakecin ae wisa;

Amosa 8:4

Long ju hofuc ang öbun tavat öbun e beutâ ta je theduoc, me ota tavat ae vec hnyi hnyei,

Esodo 23:3

ke u me ca he minya ka betenge ge at ae ba taʼ ûnyi, hnyi anyin ivinö.

Esodo 23:6

U ca he ka ohwalö hna owisa ka liamewaeny möu ae ba ta ûnyi, hnyi anyin ivinö.

Jobu 20:19

Anyin a e ame hia but okongoâ me hna degecâ tavat ae theduoc; Kʼ ame hia but hûgûnâ uma a ca otilânen.